فیصل آباد پولیس نے مئی 2025ء کے دوران 547 اشتہاریوں، 30 گینگز کے 78 ملزمان سمیت درجنوں جرائم پیشہ افراد گرفتار کرلئے

فیصل آباد (اُردو پوائنٹ اخبارتازہ ترین - اے پی پی۔ 03 جون2025ء) فیصل آباد پولیس نے مئی 2025ء کے دوران 547 اشتہاریوں، 30 گینگز کے 78 ملزمان سمیت درجنوں جرائم پیشہ افراد گرفتار کرلئے۔ تفصیلات کے مطابق فیصل آباد پولیس نے مئی 2025ء کے دوران ضلع بھر کے تھانوں کی حدود میں کارروائیوں کے دوران فیصل آباد پولیس نے مئی 2025ء کے دوران 547 اشتہاریوں، 30 گینگز کے 78 ملزمان سمیت درجنوں جرائم پیشہ افراد گرفتار کرلئے۔

ترجمان طارق جٹ نے بتایا کہ ضلع بھر کے تھانوں کی حدود میں خطرناک مجرمان اشتہاریوں کی گرفتاری کے سلسلہ میں کاروائی کرتے ہوئے گزشتہ ماہ میں547 اشتہاری ملزمان کو گرفتار کیا ۔ ان میں سے کیٹگری کے 214 اور بی کیٹگری کے 333 شامل ہیں جبکہ 546 عدالتی مفروران گرفتار کیے گئے ہیں۔

(جاری ہے)

گزشتہ ماہ میں فیصل آباد پولیس نے 30گینگ کے 78 ملزمان گرفتار کیا۔

ملزمان سے 2کروڑ 11 لاکھ 41ہزار روپے مالیت کا مال مسروقہ برآمد کیا گیا ۔ملزمان سے 92 موٹر سائیکلز ، 1 رکشہ ، 16 موبائل فونز ، نقدی ، زیورات ،28 مال مویشی اور 38 پسٹل30 بور ، 1 کاربین اور گولیاں برآمد کی گئی ہی۔ملزمان چوری اور ڈکیتی و رابری کے مقدمات میں مطلوب تھے ۔مال مسروقہ اصل مالکان کے حوالے کردیا گیا۔ ضلع کے مختلف تھانوں میں جواء اور پرچی مافیا کے خلاف کاروائی کرتے ہوئے گزشتہ ماہ میں98 مقدمات کا اندراج کرکے291 ملزمان گرفتار کئے گئے۔

جواء مافیا کے قبضہ سے داؤ پر لگی رقم 16 لاکھ 48 ہزار روپے برآمد کی گئی ۔ پولیس نے موقع سے تاش،پرچیاں،چٹھے اور دیگر جواء کا سامان تحویل میں لیا ۔پولیس نے منشیات فروشوں کے خلاف کاروائیوں کے دوران 438مقدمات درج کر کے 438 ملزمان کو گرفتار کیا ۔ملزمان سے چرس 156.497کلو گرام ، آئس 17.170کلو گرام ، ہیروئن 43.762کلو گرام ،بھکی10.200 کلو گرام اور شراب 6264لیٹر برآمد کرکے پولیس تحویل میں لی گئی ۔

نا جائز اسلحہ رکھنے والوں کے خلاف کاروائیوں میں 355 شمنا کو گرفتار کرکے مقدمات درج کئے گئے۔ ملزمان سے 299 پسٹل ، 13 کلاشنکوف، 19رائفل ، 15بندوق، 8رپیٹر، 1ریوالور، 4کاربین جبکہ متعدد گولیاں اور کارتوس برآمد کئے گئے۔ ترجمان نے بتایا کہ گرفتار ملزمان کیخلاف درج مقدمات کے تحت قانونی کارروائی شروع کردی گئی۔ انہوں نے مزید بتایا کہ سٹی پولیس کی جانب سے جرائم پیشہ عناصر کی سرکوبی کے لیےکریک ڈاؤن جاری ہے۔ قانون کی بالا دستی اور شہریوں کے جان و مال کے تحفظ کے لیے بھر پور ایکشن لیا جارہا ہے۔مؤثرگشت،ایلیٹ اور ڈولفن فورس کے آپریشنزکے لیے نئی حکمت عملی سمیت تھانہ،سرکل اور ٹاؤن کی سطح پر مانیٹرنگ اور , کریمینلزکے قلع قمع کے لیے اقدامات کیے جارہے ہیں۔