غزہ صورتحال پر وزیراعظم اوآئی سی کا اجلاس بلائیں‘جے یو آئی

فلسطینیوں کی نسل کشی پر عالمی برادری کب تک تماشائی کا کردار ادا کرتی رہے گی‘علماء کا مشترکہ بیان

بدھ 4 جون 2025 13:04

لاہور(اُردو پوائنٹ اخبارتازہ ترین - این این آئی۔ 04 جون2025ء)جمعیت علمائے اسلام (ف) کے رہنمامولانا حنیف الحق، مولانا مفتی بشیر یوسف زئی،مولانا وسیم الحق،مولانا سراج خٹک نے اپنے مشترکہ بیان میں کہاہے کہ غزہ صورتحال پر وزیراعظم اوآئی سی کا اجلاس بلائیں،عالم اسلام کے حکمران بیدا ر ہو کر فلسطین میں اسرائیلی بربریت روکنے کے لئے لائحہ عمل طے کریں،فلسطینیوں کی نسل کشی پر عالمی برادری کب تک تماشائی کا کردار ادا کرتی رہے گی۔

(جاری ہے)

انہو ں نے مزید کہاکہ آج مظلوم فلسطینی امت مسلمہ کو پکار رہے ہیںِ فلسطین کی حمایت صرف لفظوں سے نہیں بلکہ عملا ان کا ساتھ دینا سے ہوگی، امریکہ کی سر پر ستی میں اسرائیل نے بد معا شی ، غنڈہ گردی اور دہشتگردی کی نئی مثا لیں قا ئم کی ہیں اسرائیلی دہشتگردی کو روکنے کیلئے امت مسلمہ کے حکمران کوعملی اقدامات کر نے چاہیے ، مسئلہ فلسطین پر غفلت کا مظاہرہ کرنے والے حکمران کل قیامت کے روز اپنے اللہ کو کیا منہ دکھا ئیں گی ۔