”تمہیں غصہ آرہا ہے یہاں سے چلے جاو یہاں سی سی ٹی وی کیمرے موجود ہیں“ ٹک ٹاکرثناء یوسف کی ملزم سے آخری گفتگو سامنے آگئی

اسلام آباد(اردوپوائنٹ اخبار تازہ ترین۔04 جون 2025)” تمہیں غصہ آرہا ہے یہاں سے چلے جاو یہاں سی سی ٹی وی کیمرے موجود ہیں، جاو یہاں سے“ٹک ٹاکرثناء یوسف اور ملزم عمر حیات کے درمیان ہونے والی آخر ی گفتگو کی تفصیلات سامنے آگئیں، ثناء یوسف کی ملزم سے گفتگو اسلام آباد میں اپنی رہائش گاہ کے باہر گولی مارنے سے قبل ہوئی تھی،عینی شاہدین کے بیانات اور مختلف قریبی ذرائع کے مطابق آخری ملاقات کے دوران ثناء یوسف اس صورت حال کو سنبھالنے کی کوشش کر رہی تھی۔

ثناء یوسف بار بار ملزم سے کہتی رہی ہے یہاں سے چلے جاﺅ اس وقت تمہیں غصہ آرہا ہے ۔تمہارا یہاں رکنا ٹھیک نہیں ہے یہ سننا تھا کہ اس کے بعد عمرحیات نے ثناءیوسف پر گولی چلا دی اور جائے وقوعہ سے فرار ہوگیا۔پولیس کاکہنا تھا کہ 22 سالہ ٹک ٹاکر عمر حیات عرف کاکا ثناء یوسف سے دوستی کرنا چاہتا تھا جس کےلئے وہ بار بار رابطہ کر رہا تھا لیکن ثناء یوسف کے انکار پر طیش میں آکر اسے گولی مار دی۔

(جاری ہے)

واضح رہے کہ اس سے قبل ٹک ٹاکر ثناء یوسف کے قتل کیس میں گرفتار مرکزی ملزم عمر حیات کے تفتیش میں اہم انکشافات سامنے آئے تھے۔ملزم نے دوران تفتیش قتل کی وجوہات بھی بتا دیں تھیں۔ملزم نے جرم کا اعتراف کرتے ہوئے تمام تفصیلات بتا ئی تھیں۔ملزم نے اپنے ابتدائی بیان میں کہا تھا کہ مجھے اس بات کا رنج تھا کہ وہ مجھ سے نہیں ملی اسی دکھ میں میں نے اسے مار دیا تھا۔

بتایا گیا تھا کہ2 جون کوٹک ٹاکرثناء یوسف کی سالگرہ کے موقع پرملزم عمر حیات تحائف اور کیک لے کر پہنچا تھا مگر ثناءنے اسے ملنے سے صاف انکار کر دیا تھا۔ملزم سے ہونے والی تحقیقات کے مطابق عمر حیات فیصل آباد سے کرائے پر لی گئی فارچونر گاڑی کے ذریعے اسلام آباد پہنچا تھا۔ وہ پہلے 29 مئی اور پھر 2 جون کو ثناءیوسف سے ملنے اسلام آباد آیا تاہم مقتولہ ثناء یوسف نے دونوں بار ملاقات سے انکار کیا تھا۔

ذرائع کے مطابق عمر حیات نے گاڑی کا کرایہ بھی ادا نہیں کیا، جس پر رینٹ اے کار کے مالک نے ملزم کی گرفتاری کے بعد پولیس کارروائی کے دوران پیسے وصول کرنے کیلئے خود سامنے آ کر دعویٰ کیا تھا۔ ذرائع کا کہنا تھا کہ قتل کے بعد عمر حیات جائے واردات سے فرار ہوگیااس نے پہلے بائیک رائیڈ بک کی پھر راستے میں اتر کر ایک ٹیکسی کے ذریعے اسلام آباد کے لاری اڈے پہنچاجہاں سے وہ فیصل آباد روانہ ہو گیاتھا۔

پولیس کی جانب سے کیس کی مزید تحقیقات جاری ہیں جب کہ موبائل ڈیٹا، گاڑی کی سی سی ٹی وی فوٹیجز اور دیگر شواہد بھی حاصل کئے جا رہے ہیں تاکہ کیس کو منطقی انجام تک پہنچایا جا سکے تھے۔قبل ازیں گزشتہ روزٹک ٹاکر ثناءیوسف کے قتل کے ملزم کو پولیس نے گرفتار کیا گیا تھا۔ملزم کا تعلق پنجاب سے تھا جسے پولیس نے رات گئے گرفتار کیا تھا۔ملزم کی شناخت عمر حیات عرف کاکا کے نام سے ہوئی تھی ملزم نے خود کو مقتولہ کا دوست بتایا تھا۔پولیس ذرائع کامزید کہنا تھا کہ ملزم کا کا فیصل آباد فرار ہو گیاتھا ملزم کو فیصل آباد سے حراست میں لیا گیا تھا ۔پولیس نے قتل میں استعمال ہونے والا پستول بھی برآمد کرلیا تھا۔