Live Updates

نیشنز ہاکی کپ ، قومی ہاکی ٹیم کا تربیتی کیمپ اختتام پذیر،قومی اسکواڈ آٹھ جون کوملائیشیا روانہ ہوگا

بدھ 4 جون 2025 14:58

اسلام آباد (اُردو پوائنٹ اخبارتازہ ترین - این این آئی۔ 04 جون2025ء)نیشنز ہاکی کپ کی تیاری کیلئے قومی ہاکی ٹیم کا تربیتی کیمپ اختتام پذیر ہوگیا، 20رکنی قومی اسکواڈ کی قیادت عماد بٹ کی قیادت میں آٹھ جون کوملائیشیا روانہ ہوگا۔ پاکستان ہاکی فیڈریشن کے سیکرٹری جنرل رانا مجاہد نے بتایا کہ قومی ٹیم کا تربیتی کیمپ نصیر بندہ ہاکی اسٹیڈیم اسلام آباد میں جاری تھا جہاں ہیڈ کوچ اولمپین طاہر زمان نے دو سیشنز میں کھلاڑیوں کی تکنیک اور فٹنس پر کام کیا۔

(جاری ہے)

انہوں نے بتایا کہ پاکستان ٹیم آٹھ جون کو ملا?یشیا روانہ ہوگی جہاں نیشنز کپ کا آغاز 15جون سے ہوگا۔ پاکستان پول بی میں نیوزی لینڈ، ملایشیا، جاپان کیساتھ شامل ہے۔ رانا مجاہد نیبتایا کہ نیشنز کپ سے قبل قومی ٹیم تین پریکٹس میچز کھیلے گی۔ قومی اسکواڈ میں منیب الرحمن، عبداللہ اشیاق، محمد عبداللہ، سفیان خان، عبدالمنان، حماد انجم، ارشد لیاقت، معین شکیل ، ذکریا حیات، غضنفر علی، سلمان رزاق، جنید منظور، حنان شاہد، رانا وحید، افراز خان، عبدالرحمن، احمد ندیم، محب اللہ، رانا ولید شامل ہیں۔