آئی جی اسلام آباد کاریسکیو 15کا دورہ ،آپریشنل کارکردگی کا جائزہ لیا

پولیس افسران کو عوامی شکایات پر فوری ردعمل، ہیلپ لائن کے مؤثر استعمال اور پیشہ ورانہ رویے کی ہدایت

بدھ 4 جون 2025 22:14

اسلام آباد(اُردو پوائنٹ اخبارتازہ ترین - این این آئی۔ 04 جون2025ء)آئی جی اسلام آباد سید علی ناصر رضوی نے ریسکیو 15اسلام آباد کا دورہ کیاجہاں انہوںنے ریسکیو 15 کی آپریشنل کارکردگی کا جائزہ لیااور پولیس افسران کو عوامی شکایات پر فوری ردعمل، ہیلپ لائن کے مؤثر استعمال اور پیشہ ورانہ رویے کی ہدایات دیں۔

(جاری ہے)

تفصیلات کے مطابق انسپکٹر جنرل آف پولیس اسلام آباد سید علی ناصر رضوی نے "ریسکیو 15- "اسلام آباد کا دورہ کیا، اس موقع پر ان کے ہمراہ ڈی آئی جی اسلا م آباد محمد جواد طارق سمیت دیگر پولیس افسران بھی موجود تھے ،انہوں نے "ریسکیو "15-کی آپریشنل کارکردگی کا جائزہ لیا، انہوں نے تمام پولیس افسران کو عوامی شکایات پر فوری ردعمل، پولیس ہیلپ لائن کے مؤثر استعمال اور پیشہ ورانہ رویے کی ہدایات دیں،ایمرجنسی صورت حال میں بروقت ایکشن کو یقینی بنایا جائے اور شہریوں کے ساتھ خوش اخلاقی سے پیش آیا جائے،آئی جی اسلام آباد نے ایس ایس پی انوسٹی گیشن، ڈائریکٹر لیگل، ایس پی صدر زون اور ڈی ایس پی سی آئی اے کے ساتھ بھی میٹنگ کیں، انہوں نے زیرِ تفتیش مقدمات میں پیش رفت کا جائزہ لیا،افسران کے ساتھ قانونی پیچیدگیوں پر تبادلہ خیال کیا اور انہیں تفتیشی نظام کو مزید مؤثر اور شفاف بنانے کے احکامات جاری کئے،انہوں نے تمام افسران کو ہدایت دی کہ وہ میرٹ، شفافیت اور پیشہ ورانہ مہارت کو یقینی بنائیں،ہر کیس میں بروقت اور ٹھوس شواہد پر مبنی تفتیش کی جائے تاکہ ملزمان کو قانون کے مطابق کیفر کردار تک پہنچایا جا سکے،انہوں نے ڈائریکٹر لیگل کو قانونی معاونت میں بہتری کے لیے بھی ہدایات جاری کیں۔