گورنمنٹ کالج ویمن یونیورسٹی فیصل آباد میں عالمی یوم ماحولیات کے موقع پر آگاہی واک

جمعرات 5 جون 2025 22:49

فیصل آباد (اُردو پوائنٹ اخبارتازہ ترین - اے پی پی۔ 05 جون2025ء) گورنمنٹ کالج ویمن یونیورسٹی فیصل آباد میں عالمی یوم ماحولیات کے موقع پر آگاہی واک کا انعقاد کیا گیا۔واک کی قیادت وائس چانسلر پروفیسر ڈاکٹر کنول امین نے کی۔اس سال کا عالمی ماحولیاتی دن ’’زیرو پلاسٹک، زیرو آلودگی‘‘ کے عنوان سے منایا گیا۔

(جاری ہے)

ڈاکٹر کنول امین نے پلاسٹک کے استعمال میں کمی کے لیے یونیورسٹی اقدامات پر روشنی ڈالتے ہوئے بتایا کہ سرکاری تقاریب میں پلاسٹک کی پانی کی بوتلوں کا استعمال بند کر دیا گیا ہے۔

اس موقع پر یونیورسٹی میں صفائی مہم بھی چلائی گئی جس میں طالبات اور اسٹیٹ آفس کے عملے نے لانز سے ریپرز اور کوڑا کرکٹ ہٹا کر ماحول کو صاف رکھنے کا پیغام دیا۔واک میں فیکلٹی،سٹاف اور طالبات کی بڑی تعداد نے شرکت کی۔ ماحولیاتی تحفظ سے متعلق بینرز اٹھائے ہوئے تھے۔ یہ سرگرمیاں پائیدار ماحول کے لئے یونیورسٹی کے عزم کا مظہر تھیں۔