رواں سال 16 لاکھ 73 ہزار 230 افراد نے فریضہ حج ادا کیا

جمعہ 6 جون 2025 14:20

مکہ مکرمہ(اُردو پوائنٹ اخبارتازہ ترین - این این آئی۔ 06 جون2025ء)سعودی جنرل اتھارٹی برائیشماریات نے کہا ہے کہ رواں سال 16 لاکھ 73 ہزار 230 افراد نے فریضہ حج ادا کیا۔

(جاری ہے)

ایس پی اے کے مطابق سعودی جنرل اتھارٹی برائیشماریات کی جانب سے جاری بیان میں کہا گیا ہے کہ رواں سال 16 لاکھ 73 ہزار 230 افراد نے فریضہ حج ادا کیا،اندرون اور بیرورن ملک سے آنے والے حجاج میں مردوں کی تعداد 8 لاکھ 77 ہزار 841 جبکہ خواتین کی تعداد 7 لاکھ 95 ہزار 389 جبکہ بیرون مملکت سے آنے والوں میں فضائی راستے سے 14 لاکھ 35 ہزار 17 ، بری راستے سے 66 ہزار 465 جبکہ بحری راستے سے 5 ہزار 94 حجاج سعودی عرب پہنچے۔ واضح رہے کہ گزشتہ برس 1.8 ملین عازمین نے حج ادا کیا۔ ان میں سے 1.6 ملین بیرون ملک سے آئے تھے۔