تھانہ رتہ امرال کے علاقہ میں10سالہ بچے نے ایک سالہ بچی کو نالہ میں پھینک دیا

جمعہ 6 جون 2025 15:52

راولپنڈی (اُردو پوائنٹ اخبارتازہ ترین - اے پی پی۔ 06 جون2025ء) تھانہ رتہ امرال کے علاقہ میں 10 سالہ بچے نےایک سالہ بچی کو نالہ میں پھینک دیا،پولیس نے بچے کو حراست میں لے کر عدالت میں پیش کردیا ہے ۔

(جاری ہے)

پولیس ترجمان کے مطابق بچی کے لاپتہ ہونے پر اغواءکا مقدمہ درج کیا گیا ،مقامی پولیس نے تمام ذرائع بروئے کار لاتے ہوئے کئی گھنٹے بچی کی تلاش کی جس دوران بچی کی نعش نالے سے ملی،تفتیش اور شواہد کے مطابق 1 سالہ بچی کو اس کے 10 سالہ کزن نے نالے میں گرایا۔

بچے نے ابتدائی تفتیش کے دوران بتایا کہ اسے اپنی کزن اچھی نہیں لگتی تھی اس لئے اسے نالے میں گرایا،واقعہ میں ملوث بچے کی عمر 10 سال ہے جسے پولیس نے عدالت کے روبرو پیش کیا،عدالت کے احکامات کے مطابق بچے کو چائلڈ پروٹیکشن بیورو بھجوایا گیا ہے تاہم مقدمہ کو میرٹ پر یکسو کرتے ہوئے چالان عدالت میں جمع کروایا جائے گا۔