قانون کی بالادستی کو یقینی بنانے کے لیے کسی قسم کی مداخلت کو قبول نہیں کیا جائے گا ، ڈی سی لورالائی

جمعہ 6 جون 2025 19:45

لورالائی (اُردو پوائنٹ اخبارتازہ ترین - آن لائن۔ 06 جون2025ء) ڈپٹی کمشنر لورالائی میران بلوچ نے گزشتہ دنوں تحصیل میختر زڑہ تھانہ کے ایریا میں پیشں نے والے ناخوشگوار واقعہ کا سختی سے نوٹس لیتے ہوئے زژہ تھانہ کے لیویز الکاروں کو غفلت برتنے پرانچارج سمت تمام لیویز اہکاروں کو معطل کر کے 14 دن کے لیے جیل میں قید کرنے کا حکم دے دیا ہے۔ واقعے میں شہید بچی اور زخمی ہونے والے عورت کے ملزمان کو کسی بھی صورت میں معاف نہیں کیا جائے گیا ان کو ہر صورت میں گرفتار کرکے قانون کے مطابق سزا دی جاگی۔

انہوں نے کہاکہ قانون سب کے لیے برابر ہے کسی کو قانون ہاتھ میں نہیں لینے دینگے ان خیالات کا اظہار انہوں نے اپنے دفتر میں ایڈیشنل ڈپٹی کمشنر نورعلی کاکڑ ،اسسٹنٹ کمشنر بوری ندیم اکرم بلوچ،اسسٹنٹ کمشنر تحصیل میختر یحیی خان کاکڑ و مختلف تھانوں کے لیویز انچارج سے بات چیت کرتے ہوئے کیا۔

(جاری ہے)

انہوں نے مذید کہاکہ علاقیمیں امن وامان کو برقرار رکھنے کیلئے دن اور رات کو سخت سیکورٹی اقدامات اٹھائے جائیں۔

انہوں نے کہا کہ عوام کے جان و مال کی حفاظت انتظامیہ کی اولین ذمہ داری اور ترجیحات میں شامل ہے اس مقصد کیلئے انہوں نے اے سی میختر یحییٰ خان کاکڑ،میختر انچارچ فاروق کھتیران نائب رسالدار محمود ناصر اور لیویز و کیو آر ایف فورسز کوعلاقے میں امن وامان کو برقرار رکھنے کیلے شہر کے مختلف علاقوں اور ناکوں پر اچانک سنیپ چیکنگ کا سلسلہ شروع کرنے کی ہدایات جاری کیں اور تمام اہلکاروں کو ہدایت کی ہے کہ وہ اپنی پیشہ وارانہ ذمہ دار یوں کو ایمانداری دیانتداری اور فرض شناسی سے ادا کریں بصورت دیگر سخت تادبیی کارروائی کاسامنا کرنا پڑئے گا انہوں نے کہاکہ قانون کی بالادستی کو یقینی بنانے کے لیے کسی قسم کی مداخلت کو قبول نہیں کیا جائے گا اور جو بھی ملازم کسی سفارش کا سہارالے گا اس کے خلاف لیویز ایکٹ اور لیویز ڈسپیزی رولز کے تحت کاروائی کی جائے گی انہوں نے کہا کہ لیویز فورس کو جدید اسلحہ سے لیس کیا جائے گا اور جدید دور کے تقاضوں سے ہم آہنگ کیا جائے گا۔