جنہیں ا مریکہ نہیں لیتاوہ واپس آجائیں،وزیراعظم افغانستان

واپس آنے والوں کو کسی زیادتی یا پریشانی کا سامنا نہیں کرنا پڑے گا، ملا محمد حسن اخوند

پیر 9 جون 2025 12:35

کابل (اُردو پوائنٹ اخبارتازہ ترین - این این آئی۔ 09 جون2025ء)افغانستان کے قائم مقام وزیراعظم ملا محمد حسن اخوند نے اعلان کیا ہے کہ جن افغانیوں پر امریکا نے اپنے دروازے بند کردیے وہ وطن واپس آجائیں۔

(جاری ہے)

میڈیارپورٹس کے مطابق عید کے اجتماع سے خطاب کرتے ہوئے ملا محمد حسن اخوند کا کہنا تھا کہ وہ افغان جن پر امریکا نے اپنے دروازے بند کر دیے وہ وطن واپس آجائیں، وہ افغان بھی واپس آسکتے ہیں جنہوں نے امریکی مقاصد کے لیے اسلامی نظام کو نقصان پہنچایا۔افغان قائم مقام وزیراعظم نے کہا کہ واپس آنے والوں کو کسی زیادتی یا پریشانی کا سامنا نہیں کرنا پڑے گا، طالبان کے امیر ہبت اللہ اخوند زادہ سب کے لیے عام معافی کا اعلان کر چکے ہیں۔