حافظ آباد‘ خاتون سے اجتماعی زیادتی کا تیسرا ملزم بھی پولیس مقابلے میں مارا گیا

گشت کے دوران ملزم کے ساتھیوں نے پولیس وین پر فائرنگ کی اور ملزم اپنے ہی ساتھیوں کی فائرنگ سے ہلاک ہوگیا، پولیس

پیر 9 جون 2025 12:35

حافظ آباد(اُردو پوائنٹ اخبارتازہ ترین - این این آئی۔ 09 جون2025ء)حافظ آباد میں خاتون سے اجتماعی زیادتی کا تیسرا ملزم بھی مبینہ پولیس مقابلے میں مارا گیا۔جیو نیوز کے مطابق چند روز قبل حافظ آباد میں پیش آنے والے انسانیت سوز گینگ ریپ کیس کا تیسرا ملزم بھی مبینہ پولیس مقابلے میں مارا گیا ہے۔

(جاری ہے)

اس حوالے سے پولیس کا دعویٰ ہے کہ پنچ پلہ کے قریب پولیس گشت کے دوران ملزم کے ساتھیوں نے پولیس وین پر فائرنگ کی اور ملزم اپنے ہی ساتھیوں کی فائرنگ سے ہلاک ہوگیا۔

واضح رہے کیس کے 2 ملزمان پہلے ہی مبینہ پولیس مقابلوں میں ہلاک ہوچکے ہیں جبکہ واقعے کا مرکزی ملزم تاحال فرارہے۔حافظ آبادمیں مبینہ اجتماعی زیادتی کا واقعہ ایک ماہ پہلے پیش آیا تھا جہاں مسلح ملزمان نے خاتون سے شوہر کے سامنیاجتماعی زیادتی کی تھی جبکہ اس کی ویڈیو بھی بنا کر وائرل کی تھی۔