عید الاضحی پر ضلع بھر میں امن و امان کی فضا برقرار رکھنے کیلئے سکیورٹی کے سخت اقدامات

پیر 9 جون 2025 15:30

فیصل آباد (اُردو پوائنٹ اخبارتازہ ترین - اے پی پی۔ 09 جون2025ء) عید الاضحی پر پولیس کی جانب سے ضلع بھر میں امن و امان کی فضاء کو برقرار رکھنے کیلئے سکیورٹی کے سخت ترین اقدامات کئے گئے جس کے تحت چار ہزار سے زائد افسران ا و ر جوانوں نے ڈیوٹی کے فرائض سرانجام دیئے۔ ترجمان پولیس کے مطابق سی پی او صاحبزادہ بلال عمر کی ہدایت پر عید الاضحی کی نماز کی ادائیگی پر647 مساجد، 236 کھلے مقامات پر پولیس افسروں ا ور ملاز مین کی جانب سے سکیورٹی فرائض سر انجام دیئے گے۔

عید کے دنوں میں ون ویلنگ کی روک تھام کیلئے شہر بھر میں 82 خصوصی پکٹس لگائی گئی، جن پر 328 سے زائد پولیس افسر ا ور جوان ڈیوٹی پر مامور رہے۔علاوہ ازیں پبلک مقامات اور پارکس میں شہریوں کے تحفظ کے لئے 390 سے زائد افسرا و رملاز مین نے ڈیوٹی کے فرائض سر انجام دیئے۔

(جاری ہے)

قبرستانوں میں سکیورٹی ڈیوٹی کی انجام دہی کے لئے 57 سے زائد افسروں و جوانون کو تعینات کیا گیا۔

چاند رات پر شہریوں کی حفاظت کے لئے تھانوں کی موبائلز کی خصوصی پٹرولنگ اور پکٹس لگائی گئیں سینئر افسروں کی جانب سے بھی خود فیلڈ میں موجود رہتے ہوئے موثر سپرویژن کو یقینی بنایا گیا۔ عید الاضحی کے موقع پر ضلعی پولیس کے ساتھ ایلیٹ فورس، لیڈیز پولیس، ڈولفن فورس اور محافظ سکواڈ بھی ڈیوٹی سرانجام دی اس کے علاوہ تھانوں کی موبائلز اور موٹر سائیکل سکواڈ چاند رات اور عید الاضحی کے ایام کے موقع پر اپنے اپنے علاقوں میں گشت کے فرائض سرانجام دیتے رہے۔