رائے ونڈ میں ایل ڈبلیو ایم سی کا تاریخی آپریشن ،آلائشوں ،گندگی کے ڈھیروں کا صفایا ،ضلعی انتظامیہ کی ٹیم کو شاباش

پیر 9 جون 2025 17:00

رائے ونڈ (اُردو پوائنٹ اخبارتازہ ترین - این این آئی۔ 09 جون2025ء)رائے ونڈ میں ایل ڈبلیو ایم سی کا تاریخی آپریشن ،تحصیل بھر میں آلائشوں اور گندگی کے ڈھیروں کا صفایا ،ضلعی انتظامیہ کی ٹیم کو شاباش ۔

(جاری ہے)

تفصیلات کے مطابق وزیر اعلیٰ پنجاب مریم نواز کی ہدایت پر تحصیل رائے ونڈمیں عیدا لاضحی کے ایام میں صفائی ستھرائی کے مثالی انتظامات کئے گئے،ایل ڈبلیو ایم سی کی جانب سے عیدا لاضحی کے ایام میں عملے کی چھٹیاں منسوخ کردی گئی تھیں تمام عملہ تین شفٹوں میں دن رات کام کرتا رہا ،ٹائون مینجر سید علی رضا نے میڈیا سے گفتگو کرتے ہوئے کہا کہ سینکڑوں ملازمین نے انتہائی جانفشانی کیساتھ ڈیوٹی سرانجام دی 200رکشوں ،کمپیکٹر ،کنٹینرز ودیگر مشینری کیساتھ کام کیا ،تاریخ میں پہلی مرتبہ شہروں کیساتھ دیہاتوں میں بھی صفائی ستھرائی کے مثالی انتظامات کئے گئے ہیں انہوں نے مزید کہا کہ مختلف مقامات پر 9ڈمپنگ پوائنٹس بنائے گئے 8سو سے زائد سینٹری ورکرز نے بھاری مشینری کیساتھ دن رات کام کیا ،تحصیل بھر میں آلائشوں اور گندگی کے ڈھیروں کو تلف کیا گیا عید کے تیسرے روز تمام شاہرائوں کو فینائل اور عرق گلاب سے دھویا گیا تاکہ آلائشوں اور اوجھڑیوں کی بدبو سے تعفن کو ختم کیا جاسکے ، اسسٹنٹ کمشنر ذوہیب ممتاز گوندل نے کہا ہے کہ امسال وزیر اعلیٰ پنجاب کے ویژن کے مطابق ایل ڈبلیو ایم سی ٹیم نے علی رضا کی قیادت میں دن رات کام کرکے صوبہ بھر اور بالخصوص تحصیل رائے ونڈ میں صفائی کے مثالی انتظامات کرکے عوام کے دل جیت لئے ہیں۔