کوہاٹ، عید الاضحی صفائی آپریشن ، 1413 میٹرک ٹن سے زائدآلائشوں ،کچر ے کو ٹھکانے لگاکر تلف کیا گیا

پیر 9 جون 2025 19:20

کوہاٹ(اُردو پوائنٹ اخبارتازہ ترین - این این آئی۔ 09 جون2025ء)کوہاٹ شہر اور ملحقہ تحصیلوں لاچی‘ گمبٹ اور درہ آدم خیل میں واٹرسپلائی اینڈ سینیٹیشن کمپنی(ڈبلیو ایس ایس سی) کوہاٹ اور تحصیل میونسپل ایڈمنسٹریشن (ٹی ایم ای) کے زیراہتمام عید الاضحی صفائی آپریشن کے دوران مجموعی طورپر 1413 میٹرک ٹن سے زائدآلائشوں اورکچر ے کو ٹھکانے لگاکر محفوظ طریقے سے تلف کیا گیا جس کے ساتھ ہی تین روز آپریشن مکمل ہوکر کلیکشن پوائنٹ کلئیر کر نے کے بعد واشنگ شروع کردی گئی تاکہ علاقہ مکینوں کو صاف ماحول فراہم کیا جاسکے۔

سرکاری ذرائع کے مطابق عیدالاضحی کی خصو صی صفائی مہم میں صفائی ستھرائی اورجانوروں کے آلائشوں اور فضلاء کوٹھکانے لگانے کیلئے کل 135 چھوٹی بڑی گاڑیوں نے حصہ لیا۔

(جاری ہے)

اسی طرح جانوروں کے آلائشوں اور فضلاء کو جمع کرنے کیلئے 571 کلیکشن پوائنٹس اور اسے ٹھکانے لگانے کیلئے 77 ڈمپنگ سائٹس بنائے گئے تھے جبکہ 457 سینیٹیشن ورکرز ڈیوٹی پر مامور تھے۔

آپریشن کے دوران انتظامیہ کو کل 85 شکایات موصول ہوئے جن میں سے 70 کا موقع پر ازالہ کیا گیا۔ آلائشوں کو اکٹھا کرنے کے لئے ڈبلیو ایس ایس سی کوہاٹ نے اپنے دائرہ کار میں 253 کلیکشن پوائنٹس اور 22بڑے ٹرانسفر سٹیشنز مختص کئے تھے جہاں سے عید کے تینوں دن گاڑیوں کے ذریعے آلائشوں کو ڈمپنگ گراونڈ تک لے جایا گیا جہاںآلائشوں کو محفوظ طریقے سے تلفی کی گئی۔صفائی مہم کی نگرانی ڈپٹی کمشنر کوہاٹ عبدالاکرم ‘ ڈبلیو ایس ایس سی کوہاٹ کے قائم مقام چیف ایگزیکٹیو سعدخان‘ ایڈمنسٹریشن ہیڈ طاہر عفیف اور ایڈیشنل ڈپٹی کمشنرحامد اقبال کررہے تھے۔تین روز صفائی آپریشن کے دوران مجموعی طورپر1413میٹرک ٹن آلائشوں اورکچہرے کو ٹھکانے لگاکر محفوظ طریقے سے تلف کیاگیا۔