وفاقی بجٹ پیش کرنے کے موقع پراسلام آباد کی سیکیورٹی ہائی الرٹ

پارلیمنٹ ہاؤس اور پاک سیکرٹریٹ کے باہر پولیس کی بھاری نفری تعینات رہی

منگل 10 جون 2025 18:57

اسلام آباد (اُردو پوائنٹ اخبارتازہ ترین - این این آئی۔ 10 جون2025ء)آئندہ مالی سال کا بجٹ پیش کر نے کے موقع پر ریڈ زون اور اطراف میں سیکیورٹی ہائی الرٹ رہی۔پارلیمنٹ ہاؤس اور پاک سیکرٹریٹ کے باہر پولیس کی بھاری نفری تعینات رہی۔

(جاری ہے)

تفصیلات کے مطابق وفاقی بجٹ پیش کرنے کے موقع پر اسلام آباد کی سیکیورٹی ہائی الرٹ کردی گئی ہے،ریڈ زون اورپارلیمنٹ ہاؤس کے اطراف پولیس اور سیکیورٹی ڈویڑنز کے چوبیس سو سے زائد افسران و اہلکار تعینات رہے۔سرکاری ملازمین کے احتجاج کے پیش نظرپاک سیکرٹریٹ کے داخلی گیٹ پر بھی اضافی نفری تعینات رہی،ایس ایس پی سیکیورٹی اور ایس پی سٹی خود سیکیورٹی کی نگرانی کرتے رہے ۔