عیدالاضحی کے موقع پر ٹائون سے الائشیں اور گندگی بروقت اٹھائی گئی

انتظامیہ کو بروقت تمام آلائیشوں اور کچرے کو اٹھانے کے لیے پابندکیاگیا

منگل 10 جون 2025 20:30

کراچی (اُردو پوائنٹ اخبارتازہ ترین - این این آئی۔ 10 جون2025ء) پیپلز پارٹی ڈسٹرکٹ ویسٹ کے جنرل سیکرٹری و ٹاون چیئرمین اورنگی حاجی جمیل ضیانے کہاہیحضرت ابراہیم علیہ السلام نے اپنے پیارے فرزند حضرت اسماعیل علیہ السلام کو اللہ تعالی کے حکم پر قربانی کیلئے پیش کر کے عظیم مثال قائم کی،عیدقرباں ٹان میں صفائی وانتظامات کی خود نگرانی کی، عیدالضحی سے قبل بلدیاتی افسران ودیگرانتظامیہ کو اس بات کاپابندبنایاگیاکہ اگرقربانی کے دوران ہی بروقت صفائی ستھرائی نہ کی گئی تو اس شدید گرمی کے موسم میں مختلف بیماریوں کے پھلنے کا اندیشہ ہے جس سیبوڑھے،خواتین اور بچے متاثر ہونگے۔

یہ ہی وجہ ہے کہ اورنگی کی عوام اس بات کی گواہ ہے کہ عید الضحی کیموقع پر ٹان سے الائشیں اور گندگی بروقت صاف کی گئی۔

(جاری ہے)

ان خیالات کااظہارانہوں نے ٹان آفس سے جاری کردہ بیان میں کیا۔ جمیل ضیاکا کہنا تھا کہ صفائی ستھرائی اور جانوروں کی آلائشوں کو اٹھانے کا عمل عید اور عید کے تینوں دن جاری رہا۔ عملے کوپابندکیاکہ قربانی کے جانوروں کے فالتو اعضا پڑے رہنے کی شکایت سامنے نہیں آنی چاہیے۔

اس عمل سے ٹان بھر سے الائشیں اور فضلا اٹھا کر شہر کو صاف ستھرا کر دیا گیا۔انہوں نے مزید کہا کہ عید الاضحی کا دن ایثار و قربانی کا استعارہ ہے، اس دن ہمیں اپنے اردگرد بے وسیلہ لوگوں کو بھی اپنی خوشیوں میں شامل کرنا چاہیئے کیونکہ عید الاضحی کا دن ہمیں ایثار، محبت، قربانی اور تقوی کا درس دیتا ہے۔