Live Updates

کاروباری ہفتے کے دوسرے روز بھی سونے کی قیمت میں 6 ہزار 100 روپے کی کمی ہوگئی

سونے کی قیمت کم ہوکر 3لاکھ 52 ہزار 300 روپے کی سطح پر آگئی ہے، دس گرام سونے کی قیمت میں بھی 5 ہزار230 روپے کی کمی ہوگئی

ثنااللہ ناگرہ منگل 10 جون 2025 21:31

کاروباری ہفتے کے دوسرے روز بھی سونے کی قیمت میں 6 ہزار 100 روپے کی کمی ..

کراچی ( اردوپوائنٹ اخبار تازہ ترین۔ آئی پی اے ۔ 10 جون 2025ء ) عالمی مارکیٹ میں سونے کی قیمتوں میں اتار چڑھاؤ کا سلسلہ جاری ہے، عالمی منڈی میں سونے کے نرخ بڑھنے پر پاکستان میں بھی سونے کی قیمتوں میں نمایاں اضافہ ہوا، لیکن آج سونے کی قیمت میں بڑی کمی ہوگئی ہے۔ میڈیا رپورٹ کے مطابق عالمی مارکیٹ میں سونے کی قیمتوں میں کمی ہونے کے باعث پاکستان میں بھی سونے کی قیمت کم ہو گئی ہے۔

آج سونے کی قیمت میں 6 ہزار100 روپے کمی ہوگئی ہے، فی تولہ سونے کی قیمت کم ہونے کے بعد مقامی صرافہ بازاروں میں نئی قیمت 3لاکھ 52 ہزار 300 روپے ہوگئی ہے۔ اسی طرح دس گرام سونے کی قیمت بھی کم ہوگئی ہے۔ 10 گرام سونے کی قیمت میں 5 ہزار 230 روپے کی کمی ہوئی ہے۔ دس گرام سونے کی نئی قیمت 3 لاکھ 2 ہزار 40 روپے کی سطح پر آ گئی ہے۔

(جاری ہے)

دوسری جانب وفاقی وزیر خزانہ سینیٹر محمد اور نگزیب نے قومی اسمبلی میں بجٹ تقریر کرتے ہوئے کہا کہ رواں مالی سال زرمبادلہ کے ذخائر 14 ارب ڈالر تک پہنچ جائیں گے، اقتصادی بہتری کے لیے سخت فیصلے کرنا پڑے، بزنس کانفیڈنس انڈیکس میں بہتری آئی ہے، فچ نے ریٹنگ ٹرپل سی مثبت سے بڑھا کر منفی بی کردیا، ٹیکس گیپ کا تخمینہ 55 کھرب روپے لگایا گیا، یہ صورت حال نا قابل قبول تھی۔

وزیر خزانہ محمد اورنگزیب نے کہا کہ سیمنٹ، کھاد، مشروبات اور ٹیکسٹائل پر ڈیجیٹل پروڈکشن ٹریکنگ کا آغاز کیا جارہا ہے، سیلز اور انکم ٹیکس کے لیے آرٹیفشل انٹیلیجنس پر مبنی نظام لایا جارہا ہے۔ انہوں نے کہاکہ چینی کے شعبہ سے محصولات میں 47 فیصد اضافہ ہوا، 3 لاکھ 90 ہزار نان فائلرز کی نشاندہی کی گئی، 9.8 ارب روپے کے جعلی ری فنڈ کلیمز کو بلاک کیا گیا، یکم جولائی سے 800 کالم والا ریٹرن سادہ فارمیٹ کردیا جائے گا، اس سادہ فارمیٹ میں صرف 7 بنیادی معلومات درکار ہوں گی، یہ آسان ریٹرن چھوٹے کاروباروں کے لیے متعارف کروایا جارہا ہے، اس ریٹرن کو فائل کرنے میں کسی وکیل یا ماہر کی ضرورت نہیں ہوگی۔