پاکستان سمیت دنیا بھر میں ورلڈ فادرز ڈے 16جون کو منایا جائے گا

بدھ 11 جون 2025 11:59

مکوآنہ (اُردو پوائنٹ اخبارتازہ ترین - این این آئی۔ 11 جون2025ء)پاکستان سمیت دنیا بھر میں 16جون کو ورلڈ فادرز ڈے (والد سے محبت کے اظہار کا عالمی دن) منایا جائے گا۔امریکا میں بیسویں صدی کے اوائل میں ماوں کے عالمی دن کی کامیابی کے بعد والد کی عظمت کو خراج تحسین پیش کرنے کیلئے اس دن کو منانے کا سلسلہ شروع ہوا تھا۔

(جاری ہے)

عالمی سطح پر اس دن کو 1966ء میں اس وقت مقبولیت ملنا شروع ہوئی جب امریکی صدر لنڈن جانسن نے جون کے تیسرے اتوار کو فارد ڈے قرار دیا اور 1972ء میں اسے امریکی قومی تعطیل قرار دیا گیا، اس کے بعد ہر سال جون کے تیسرے اتوار کو دنیا کے 58 سے زائد ممالک میں فادرز ڈے کے طور پر منایا جاتا ہے۔

اس موقع پر والد کے ساتھ الفت اور ان کی خدمت کے جذبے کو بڑھانے کے عزم کا اعادہ بھی کیا جاتا ہے۔ فادرز ڈے کے موقع پر بچے اپنے والد کیلئے تحائف اور کارڈز پیش کر کے اپنی محبت کا اظہار کرتے ہیں۔ باپ دنیا کی وہ عظیم ہستی ہے جو بچوں کی پرورش کے لئے اپنی جان تک لڑا دیتا ہے اور ہر باپ کا یہی خواب ہوتا ہے کہ وہ اپنے بچے کو اعلیٰ سے اعلیٰ میعار زندگی فراہم کرے تاکہ وہ معاشرے میں باعزت زندگی بسر کرے اور معاشرتی ترقی میں اپنا کردار ادا کر سکے۔ فادرز ڈے کے موقع پر فیصل آباد سمیت ملک کے مختلف شہروں میں تقریبات کا انعقاد کیا جائے گا۔