امریکا نے غزہ کی نازک صورتحال کے پیش نظر اسے جنگی زون قرار دے دیا

بدھ 11 جون 2025 17:49

واشنگٹن (اُردو پوائنٹ اخبارتازہ ترین - اے پی پی۔ 11 جون2025ء) امریکا نے غزہ کی نازک صورتحال کے پیش نظر اسے جنگی زون قرار دے دیا۔ العربیہ کے مطابق مریکی وزارت خارجہ کی ترجمان ٹامی بروس نے واضح کیا ہے کہ اسرائیلی وزیر اعظم بنجمن نیتن یاھو کے اس بیان کی تصدیق ممکن نہیں کہ قیدیوں کے معاملے میں پیشرفت ہو رہی ہے۔

(جاری ہے)

انہوں نے غزہ میں خوراک کی تقسیم کے مرکز کے قریب ہونے والی ہلاکتوں پر بات کرتے ہوئے کہا کہ اقوام متحدہ کو اس وقت غزہ میں انتہائی نازک صورت حال کا سامنا ہے، کیونکہ یہ علاقہ اب ایک مکمل جنگی زون" بن چکا ہے۔

انہوں نے مزید کہا کہ انسانی پہلو کو نظرانداز کرنے کی وجہ سے مسائل میں مزید اضافہ ہوا ہے۔ ان کا کہنا تھا کہ اسرائیلی فوج ان واقعات کی تحقیقات کر رہی ہے۔یہ بیان ایسے وقت میں سامنے آیا ہے جب بنجمن نیتن یاھو نے ایک ویڈیو پیغام میں دعویٰ کیا کہ قیدیوں کے معاملے میں کچھ پیشرفت ہوئی ہے تاہم ساتھ ہی انہوں نے یہ بھی کہا کہ ابھی امید دلانا قبل از وقت ہو گا۔