بجٹ کی ڈائریکشن سرمایہ کاری کا فروغ ہونی چاہیے تھی : پیٹرن انچیف پیاف میاں انجم نثار

لاہور (اُردو پوائنٹ اخبارتازہ ترین - آن لائن۔ 11 جون2025ء) پیٹرن انچیف پاکستان انڈسٹریل اینڈ ٹریڈرز ایسوسی ایشنز فرنٹ (پیاف) و نائب صدر سارک چیمبر میاں انجم نثار نے کہا کہ بجٹ کی ڈائریکشن سرمایہ کاری کا فروغ ہونی چاہیے تھی۔ انڈسٹری، زراعت، آبی وسائل کے لیے بہت کم بجٹ رکھا گیاہے ۔ مقامی محصولات میں کمی نہیں کی گئی۔ انڈسٹری کیلئے بجلی کی قیمت میں کمی نہیں کی گئی۔

آٹومیشن میں جانے کے بعد ایف بی آر کے صوابدیدی اختیارات بڑھانے کا کیا مطلب ہی.چیئرمین پاکستان انڈسٹریل اینڈ ٹریڈرز ایسوسی ایشنز فرنٹ (پیاف) فہیم الرحمان سہگل نے وفاقی بجٹ پر تبصرہ کرتے ہوئے کہا ہے کہ فوج کا بجٹ بڑھانا خوش آئند ہے جو کہ موجودہ صورتحال کو دیکھتے ہوئے دفاعی صلاحیت کو بڑھانے کیلئے بے حد ضروری تھا۔

(جاری ہے)

بادی انظر میںیہ بجٹ معیشت کیلئے کچھ خاص فائدہ مند نہیں ،آئی ایم ایف کی شرائط کے باعث حکومت تاجر دوست بجٹ دینے میں ناکام رہی ہے ۔

حکومت 500 ارب کے نئے ٹیکس لگا رہی ہے اور ساتھ ہی ٹیکس حجم میں بھی اضافہ کر رہی ہے۔ 20% تک سیلز ٹیکس لگانا منفی قدم ہے اسکو ختم کیا جائے ۔ٹیکس نیٹ کو وسیع کرنے کی بجائے ٹیکس پئیرز پر مزید بوجھ ڈالا جا رہا ہے ۔مینو فیکچرنگ انڈسٹری اوربرآمد کنندگان کو ریلیف دینا چاہیے تھا تاکہ برآمدات میں اضافہ ہو۔ایس ایم ایز ار کاٹیج انڈسٹری کیلئے کیلئے کوئی پالیسی نہیںدی گئی ۔

ٹیکس فری زون بنائے جائین، ہمسائیہ ممالک میں ایس ایم ایز کیلئے قرضہ کی سہولت 15% تک ہے جبکہ ہمارے ملک پاکستان میں یہ صرف 7% ہے ۔انھوں نے کہاٹیکس فری زون بنائے جائیں۔ BISP پروگرام ختم کیا جائے اور یہی پیسہ ایس ایم ایز کیلئے وقف کیا جائے۔ رئیل سٹیٹ سیکٹر پر ، ٹیکس میں کمی خوش آئند ہے۔ (SOE) سٹیٹ اونڈ انٹرپرائز جو خسارے میں جا رہی ہیں انکے بارے میں بجٹ خاموش ہے ۔

صنعتوں کے لئے پاور ٹیرف میں کمی نہیں کی گئی۔ ایکسپورٹرز کیلئے ریفنڈز سسٹم کو بہتر کیا جائے ۔ ڈموجودہ بجٹ کو دیکھتے ہوئی3.5% شرح نمو حاصل کرنا انتہائی مشکل ہے ۔ حکومت اگر ٹیکسسیشن کو مشکل کرے گی تو ٹیکس چوری بڑھے گی ٹیکسز کو ریٹ کو بڑھانا معیشت کیلئے فائدہ مند نہیں ہے۔ انفلیشن ریٹ کو دیکھتے ہوئے پالیسی ریٹ کو مزید کم کر کے سنگل ڈیجٹ پر لایاجائے۔ بینکنگ سیکٹر سے متعلقہ امپورٹرز کے مسائل ہنوز حل طلب ہیں، سٹیٹ بینک بینکنگ سسٹم کو سٹریم لائن کرے۔فہیم الرحمان سہگل نے کہا کہ اگلے مالی سال کے لیے 35ارب30 کروڑڈالر برآمدات اور 33ارب ڈالر ترسیلات زر کے اہداف حاصل کرنے کے لیے خصوصی اقدامات اٹھاناہونگے ۔ تاجر برادری کی مشاورت سے بجٹ بنانا چاہیے تھا۔