{وزیراعلیٰ خیبرپختونخوا کا گڈ گورننس اور عوامی و فلاحی ایجنڈا

ٍپشاور (اُردو پوائنٹ اخبارتازہ ترین - آن لائن۔ 11 جون2025ء)وزیراعلیٰ خیبرپختونخوا سردار علی امین خان گنڈاپور کے گڈ گورننس اور عوامی و فلاحی ایجنڈا کے تحت ایبٹ آباد کی تاریخ میں پہلی بار یتیم اور مستحق60 جوڑوں کی اجتماعی شادی خانہ آبادی کی پروقار تقریب مقامی شادی ہال میں منعقد ہوئی۔ ایم پی اے رجب علی عباسی، کمشنر ہزارہ ڈویژن فیاض علی شاہ, ڈپٹی کمشنر ایبٹ آباد کیپٹن (ر) ثناء اللہ خان اور ڈسٹرکٹ پولیس آفیسر ایبٹ آباد عمر طفیل تقریب میں شریک ہوئے۔

ان کے علاوہ چیئرمین صوبائی زکوٰة کمیٹی امتیاز احمد ایڈووکیٹ، ڈپٹی سیکرٹری محکمہ زکوة و عشر مبشر رضا، چیئرمین ضلعی زکوٰة کمیٹی طارق محمود خان بھی تقریب کا حصہ تھے۔ تقریب میں نو بیاہتا جوڑوں کے والدین اور عزیز و اقارب نیبھی بڑی تعداد میں شرکت کی۔

(جاری ہے)

دلہنوں میں جہیز کے لیے 2،2 لاکھ روپے کے چیکس تقسیم کیے گئے۔ تقریب سے اپنے خطاب میں ایم پی اے رجب علی عباسی نے کہا کہ وزیراعلی علی امین گنڈاپور اور صوبائی حکومت کا ایبٹ آباد کے یتیم اور مستحق جوڑوں کے لیے تقریب کے انعقاد پر شکریہ ادا کرتے ہیں۔

انہوں نے کہاکہ آج بانی عمران خان کے فلاحی ریاست کے خواب کی تعبیر ہوئی ہے۔ آج کی یہ تقریب عمران خان کے ریاستِ مدینہ اور انصاف و برابری کے ویژن کی عکاس ہے۔ انہو ں نیمزید کہا کہ آج کی تقریب سے علاقے میں شادی بیاہ کے موقع پر سادگی کی مثال قائم ہوگی۔ان کا کہنا تھا کہ شادی سے جڑے غلط رسم و رواج کو ختم کرنے اور سادگی سے اس قسم کی تقریبات منعقد کرنیکا وقت ہے۔

والدین شادی بیاہ میں فضول خرچ کے بجائے وسائل بچوں کی اعلی تعلیم پر خرچ کریں۔رجب علی عباسی نے کہا کہ مستحقین کے لیے اس طرح کی تقریبات کا یہ سلسلہ جاری رہے گا اور صوبائی حکومت مستحق خاندانوں ن کا بوجھ بانٹے گی۔ انہوں نے نو باہتا جوڑوں کو زندگی کے نئے سفر کی مبارکباد بھی پیش کی۔تقریب سے خطاب میں کمشنر ہزارہ ڈویژن فیاض علی شاہ نے کہا کہ دلہا دلہن اپنے باہمی تعلق کو مضبوط اور احترام پر مبنی بنائیں۔

دلہنیں اپنے نئے گھر کو جوڑ کر رکھنے میں اپنا اچھا کردار نبھائیں کیونکہ خاندانوں کو جوڑنے اور پرامن معاشرے کی تشکیل میں خواتین کا کرداربہت اہم ہے۔ انہو ں نے مزید کہا کہ دلہا دلہن اپنے ساس سسر کو والدین کا درجہ دیں اور انہیں قبول کریں۔ہزارہ ڈویژن میں اس طرح کی تقریبات کا انعقاد خوش آئند ہے۔ تقریب سے اپنے خطاب میں چیئرمین صوبائی زکوة کمیٹی امتیاز احمد ایڈوکیٹ نے کہا کہ جب یہ عہدہ سنبھالا تو عہد کیا کہ فنڈز مستحقین کو ملے گا۔

وزیراعلی علی امین گنڈا پور کی کاوشوں سے جہیز فنڈ 30 ہزار روپیسے 2 لاکھ ہوا۔انہو ں نے کہا کہ اس پروگرام کو ڈویژنل ہیڈکوارٹرز کے بعد دیگر ضلعوں اور تحصیلوں تک لے کر جائیں۔اس موقع پر خطاب میں چیئر مین ضلعی زکواة کمیٹی ایبٹ آباد طارق محمود نے کہا کہ صوبائی حکومت کی جانب سے 136 جہیز پیکجز کا کوٹہ الاٹ کیا گیا ہے۔