Live Updates

پاکستان، افغانستان، یو اے ای کے مابین ٹی ٹونٹی سیریز کیلئے بات چیت کا آغاز

سیریز کو ایشیا کپ کی تیاریوں سے متعلق شیڈول کیا جا رہا ہے، ایشیا کپ بھی ممکنہ طور پر یو اے ای میں ہونے کا امکان

ذیشان مہتاب جمعرات 12 جون 2025 11:59

لاہور (اردو پوائنٹ تازہ ترین اخبار۔ 12 جون 2025ء) پاکستان، افغانستان اور یو اے ای کے درمیان ٹی20 سیریز کیلیے بات چیت کا آغاز ہوگیا ہے۔

ذرائع کے مطابق تین ممالک کے درمیان یو اے ای میں سیریز کرانے کیلیے بات چیت جاری ہے۔

پاکستان نے افغانستان کی 3 ٹی20 میچز کی سیریز کی میزبانی کرنی ہے، جو ایف ٹی پی میں اگست میں شیڈول ہے۔

ذرائع کے مطابق اب ٹی20 سیریز کے بجائے 3 ممالک کے درمیان سیریز کرانے کی منصوبہ بندی کی جارہی ہے۔

(جاری ہے)

ذرائع کے مطابق تین ممالک کے درمیان سیریز سے متعلق جلد باضابطہ اعلان کیا جائے گا، سیریز کو ایشیا کپ کی تیاریوں سے متعلق شیڈول کیا جا رہا ہے۔

دوسری جانب ایشیاکپ بھی اگست میں شیڈول ہے تاہم پاک بھارت کشیدہ تعلقات کے سبب ٹورنامنٹ کے انعقاد پر سوالیہ نشان تاحال برقرار ہے۔