یو ای ٹی لاہور میں غیر ملکی طلباء کیلئے عید ملن پارٹی کا اہتمام

ڈاکٹر شاہد منیر نے یو ای ٹی میں مقیم غیر ملکی طلباء کیساتھ کھانا کھایا

جمعرات 12 جون 2025 13:52

لاہور (اُردو پوائنٹ اخبارتازہ ترین - این این آئی۔ 12 جون2025ء) یونیورسٹی آف انجینئرنگ اینڈ ٹیکنالوجی لاہور میں غیر ملکی طلبا و طالبات کے اعزاز میں یونیورسٹی انتظامیہ کی جانب سے عید ملن پارٹی کا اہتمام کیا گیا۔

(جاری ہے)

جس میں وائس چانسلر یو ای ٹی لاہور پروفیسر ڈاکٹر شاہد منیر نے خصوصی شرکت کی جبکہ تمام فیکلٹیز کے ڈین، ریزیڈنٹ ٹیوٹرز، رجسٹرار، کنٹرول امتحانات، ٹریژرر، سینئر وارڈن، ڈائریکٹر سٹوڈنٹ افیئرز، پی آر او اور غیر ملکی طلبا و طالبات شریک ہوئے۔

وائس چانسلر پروفیسر ڈاکٹر شاہد منیر نے اپنے خطاب میں کہا کہ غیر ملکی طلبا ہمارے تعلیمی ادارے کا قابلِ فخر حصہ ہیں یونیورسٹی میں ان طلبا کو گھر جیسا ماحول فراہم کرنا ہماری اولین ترجیح ہے۔ پروفیسر ڈاکٹر شاہد منیر نے طلبا پر زور دیا کہ وہ تعلیم پر بھرپور توجہ دے کر اپنے ملک اور یو ای ٹی کا نام روشن کریں۔ طلبا نے وائس چانسلر،فیکلٹی ممبران اور یونیورسٹی انتظامیہ کا شکریہ ادا کیا۔