رائٹ مینجمنٹ پولیس، لا اینڈ آرڈر یقینی بنانے کے لئے وزیر اعلیٰ پنجاب مریم نوازشریف کے خواب کی تعبیر

۱رائٹ مینجمنٹ پولیس کے مجموعی طور پر 5 ہزار میں سے 3 ہزار اہلکاروں پر مشتمل پہلے بیج کی تربیت تیزی سے جاری ،ڈی آئی جی رائٹ مینجمنٹ پولیس اسد سرفراز خان کی پولیس ٹریننگ سکول فاروق آباد آمد، فورس کی ٹریننگ، دیگر امور کا جائزہ

جمعہ 13 جون 2025 20:25

&لاہور (اُردو پوائنٹ اخبارتازہ ترین - آن لائن۔ 13 جون2025ء) وزیر اعلیٰ پنجاب مریم نوازشریف کے ویژن کے مطابق لاہور سمیت صوبہ بھر میں لا اینڈ آرڈر کی صورتحال کو مزید بہتر بنانے کیلئے پولیس فورس کی کپیسٹی بلڈنگ جاری ہے اسی سلسلے میں رائٹ مینجمنٹ پولیس کے 3 ہزار اہلکاروں پر مشتمل پہلے بیج کی تربیت پولیس ٹریننگ سکول فاروق آباد میں تیزی سے مکمل کی جا رہی ہے۔

ڈی آئی جی رائٹ مینجمنٹ پولیس اسد سرفراز خان نے پولیس ٹریننگ سکول فاروق آبادکا دورہ کیا اور فورس کی ٹریننگ و دیگر امور کا جائزہ لیا۔ اس موقع پر پرنسپل پولیس ٹریننگ سکول فاروق آباد تنویر احمد نے ڈی آئی جی آر ایم پی کو ٹریننگ بارے بریفنگ دیتے ہوئے کہا کہ رائٹ مینجمنٹ پولیس میں مجموعی طور پر 5 ہزار اہلکار شامل ہونگے جس میں سے 03 ہزار کو پہلے بیج میں تربیت دی جا رہی ہے۔

(جاری ہے)

ترجمان پنجاب پولیس نے بتایا کہ ڈی آئی جی آر ایم پی اسد سرفراز نے شدید گرمی میں سخت ٹریننگ کرنے والے جوانوں کا حوصلہ بڑھایا اور انہیں درپیش مسائل بارے دریافت کیا۔ ڈی آئی جی آر ایم پی نے کہا کہ دور حاضر کے لا اینڈ آرڈر چیلنجز کو مدنظر رکھتے ہوئے فورس کی جدید خطوط پر تربیت یقینی بنا رہے ہیں۔08 ہفتوں پر مشتمل کورس میں فورس کی فٹنس اور کارکردگی کا اعلیٰ معیار برقرار رکھنے کے لئے سپیشل ڈرلز ڈیزائن کی گئی ہیں۔

رائٹ مینجمنٹ پولیس کے لئے خصوصی آلات اور ساز و سامان کی خریداری بھی تکمیل کے آخری مراحل میں ہے۔ڈی آئی جی آر ایم پی اسد سرفراز نے فورس کی اعلیٰ معیار پر تربیت کے لئے ٹریننگ سٹاف کی کاوشوں کو سراہا جبکہ ٹریننگ حاصل کرنے والے جوانوں نے امن و امان کے قیام کے لیے بھر صلاحیتوں کے عزم کا اظہار کیا۔افسران و اہلکاروں پر مشتمل ٹیموں میں موب انگیجمنٹ، موب کنٹرول، واٹر کینن، آنسو گیس، ربر بلٹ، سٹن گرینیڈ، لانگ رینج صوتی ڈیوائس، انخلا، گرفتاری، فرسٹ ایڈ، ایڈوانس پارٹی، ڈرون آپریشن اور سنائپرز اور کے نائن ہنڈلرز ٹیمیں شامل ہیں۔