دیرلوئیر :بچوں اور دودھ پلانے والی ماؤں کے لیے صحت بخش غذاء کی اہمیت اجاگر کرنے کی غرض سے یونیسیف کی تعاون سے خصوصی اگاہی مہم کا اغاز

ہفتہ 14 جون 2025 20:00

۸تیمرگرہ(اُردو پوائنٹ اخبارتازہ ترین - آن لائن۔ 14 جون2025ء)دیرلوئیر ،بچوں اور دودھ پلانے والی ماؤں کے لیے صحت بخش غذاء کی اہمیت اجاگر کرنے کی غرض سے یونیسیف کی تعاون سے خصوصی اگاہی مہم کا اغاز ہو گیا،ایک ماہ تک جاری رہنے والے مہم کے دوران مناسب غذائیت کی اہمیت اجاگر کرنے کی غرض سے خصوصی اگاہی سیشنز منعقد کیے جائیں گے۔

(جاری ہے)

اس سلسلے میں بچوں کے عالمی ادارے یونیسیف کے زیر انتظام محکمہ صحت دیر لوئر،عالمی ادارہ برائے خوراک اور بی ائی ایس پی کے تعاون سے ڈی سی جرگہ ہال بلامبٹ میں خصوصی اگاہی سیشن کا انعقاد کیا گیا جبکہ بعد ازاں منعقدہ واک کی قیادت ایڈیشنل ڈپٹی کمشنر بشیر خان نے کی، اس موقع پر شرکاء نے ماں اور بچے کے لیے صحت بخش غذا کی اہمیت کے حوالے سے بینرز اور کتبے رکھے تھے،اپنے خطاب میں ڈسٹرکٹ ہیلتھ افیسر ڈاکٹر نیاز محمد افریدی،یونیسف کے نمایندوں نعمت علی،افاق عادل،ای پی ائی کوارڈینیٹر ڈاکٹر نجیب اللہ اور ایشین ڈویلپمنٹ بینک کی نمائندہ مس ظہراء بی بی بشمول دیگر کا کہنا تھا کہ ملک بھر میں اس وقت ماووں اور بچوں کو دیے جانے والے متوازن غذا کی شرح 12فیصد جبکہ دیر لوئر میں پانچ فیصد ہیں جو کہ انتہائی کم ہے،حاملہ اور دودھ پلانے والی خواتین اپنے روزمرہ غذا میں گوشت، انڈے، سبزیاں دہی اور دالیں شامل کریں جبکہ چھ سے 23 ماہ تک کے بچوں کے لیے کیلا، سوجی،پکا ہوا الو، گندم کا دلیا اور چاول متنوع غذائیں ہیں مقررین نے موسمی فروٹس اور تازہ سبزیوں کیزیادہ سے زیادہ استعمال اور بچوں کے لیے ماؤں کی دودھ کی افادیت پر روشنی ڈالی،اس موقع پر افاق عادل کا کہنا تھا کہ دیر لوئر کے 4 سینٹرز میں خصوصی اگاہی مہم جاری رہے گا انہوں نے کہا کہ مشران علاقہ،میڈیا، علماء کرام اور ڈاکٹرز مہم کو کامیاب بنانے اور اس سلسلے میں لوگوں میں شعور بیدار کرنے کے حوالے سے اپنا کردار ادا کرے۔