Live Updates

]جیکب آباد،امداد سے محروم زکوات چیئرمین کی عید

(دفتر بجٹ کا عید سے قبل20لاکھ کا صفایہ ،گاڑی کی مرمت پر3لاکھ فیول پر پانچ لاکھ اور مشینری پر دو لاکھ کا خرچہ دکھایا

ہفتہ 14 جون 2025 20:00

ا*جیکب آباد (اُردو پوائنٹ اخبارتازہ ترین - آن لائن۔ 14 جون2025ء)جیکب آباد کے مستحق امداد سے محروم زکوات چیئرمین کی عید،دفتر بجٹ کا عید سے قبل20لاکھ کا صفایہ ،گاڑی کی مرمت پر3لاکھ فیول پر پانچ لاکھ اور مشینری پر دو لاکھ کا خرچہ دکھایا تفصیلات کے مطابق جیکب آباد کے مستحقین کو برسوں سے امداد کا اجراء نہ کئے جانے کی شکایات ہیں جبکہ افسر عید پر دفتر بجٹ سے موجیں کررہے ہیں جیکب آباد کے زکوات چیئر مین نے رواں ماہ جون میں دفتر خرچ کے نام پر 19لاکھ 99ہزار 950کا صفایہ کرکے عید کرلی اور ایک روپیہ بھی سرکاری خزانے میں نہ چھوڑا ،ایک ماہ میں گاڑی پانچ لاکھ کا فیول پی گئی گاڑی کی مرمت پر تین لاکھ ،مشینری پر دو لاکھ ،ٹریولنگ الائونس پر ایک لاکھ 61ہزار،53ہزارکنوینس چارجز ایک لاکھ اسٹیشنری ،ایک لاکھ چھپائی ،98 اخبارات،94ہزا ر یونیفارم ،ایک لاکھ متفرقہ خر چ اور ایک لاکھ 99ہزار فرنیچر پر خرچ دکھایا گیا،اس سلسلے میں زکوات چیئر مین رفیق برڑو سے رابطے کی کوشش کی گئی پرانکا نمبر اٹینڈ نہ ہوا۔