Live Updates

ژ*جے یوآئی کے سربراہ مولانا فضل الرحمان کا حیدرآباد میں تاریخی خطاب ہوگا

ہفتہ 14 جون 2025 20:00

جیکب آباد (اُردو پوائنٹ اخبارتازہ ترین - آن لائن۔ 14 جون2025ء)جے یوآئی کے سربراہ مولانا فضل الرحمان کا حیدرآباد میں تاریخی خطاب ہوگا، 15 جون کو "دفاعِ وطن و اسرائیل مردہ باد اور سندہ امن ملین مارچ" میں لاکھوں عوام شرکت کرینگے۔جے یو آئی سندھ نے تین کروڑ روپے کا سامان غزہ پہنچایا : قائد سندہ علامہ راشد محمود سومرو۔تفصیلات کے مطابق جمعیت علمائے اسلام کے سربراہ مولانا فضل الرحمان 15 جون کو حیدرآباد کے قاسم آباد میں ایک عظیم الشان "دفاع وطن، اسرائیل مردہ باد اور سندھ امن ملین مارچ" سے تاریخی خطاب کریں گے،یہ بات جے یو آئی سندھ کے بے باک اور جری قائد علامہ راشد محمود سومرو نے اپنے ایک اہم بیان میں کہی۔

ان کا کہنا تھا کہ یہ پروگرام نہ صرف فلسطینیوں پر اسرائیلی مظالم کے خلاف نفرت کا اظہار ہوگا بلکہ سندھ میں بڑھتی ہوئی بدامنی، ڈاکو راج، قبائلی جھگڑوں اور حکمرانوں کی مجرمانہ خاموشی پر عوامی ردعمل بھی ثابت ہوگا۔

(جاری ہے)

علامہ سومرو نے کہا کہ یہ مارچ سندھ کی دھرتی سے ظلم، دہشتگردی، اور ڈاکو راج کے خاتمے کا اعلان ثابت ہوگا۔مزید کہا کہ جے یو آئ سندہ نے دوسرے فیس میں تین کروڑ روپے کی کہاد خوراک ،پانی دوائیںاں اور دیگر سامان غزہ پہنچیایا گیا انہوں نے سندھ کے غیور عوام سے اپیل کی کہ وہ قومی، دینی اور ملی ذمہ داری ادا کرتے ہوئے بھرپور شرکت کریں۔

جے یو آئی سندھ کے پریس سیکریٹری ڈاکٹر اے جی انصاری نے عوام اور میڈیا سے اپیل کی ہے کہ وہ اس بیداری مارچ کو بھرپور کوریج دے کر مظلوم فلسطینیوں اور بے بس عوام کے لیے آواز بلند کریں۔دوسری جانب جے یو آئی کے مرکزی سالار عبدالرزاق عابد لاکہو اور صوبائی سالار سلیم سندھی نے سیکیورٹی سمیت دیگر انتظامات کو حتمی شکل دے دی ہے، جب کہ جے یو آئی ضلع حیدث کے امیر مولانا تاج محمد ناہیوں، جنرل سیکریٹری خالد حسین دہامرہ اور دیگر ضلعی و تحصیل سطح کے قائدین نے انتظامی امور مکمل کر لیے ہیں۔ادھر جے یو آئی حیدرآباد کے متحرک ترجمان محمد اعظم جھانگیری نے صحافی برادری سے ملاقات کرتے ہوئے تمام میڈیا ہاؤسز سے گزارش کی ہے کہ وہ اس تاریخی موقع کی مؤثر اور بھرپور کوریج کریں۔