Live Updates

شاہین فاؤنڈیشن اور الشفاء آئی ٹرسٹ ہسپتال کے زیر اہتمام فورٹ منرو میں آئی کیمپ 24 جون سے شروع ہوگا

ہفتہ 14 جون 2025 20:20

ڈیرہ غازی خان (اُردو پوائنٹ اخبارتازہ ترین - اے پی پی۔ 14 جون2025ء) پاکستان ایئر فورس کی شاہین فاؤنڈیشن اور الشفاء آئی ٹرسٹ ہسپتال راولپنڈی کے اشتراک سے کھر،فورٹ منرو ہسپتال میں تین روزہ فری آئی کیمپ 24 جون سے شروع ہوگا۔

(جاری ہے)

ایم ایس ٹی ایچ کیو ہسپتال کھر فورٹ منرو ڈاکٹر ریفار حسین کے مطابق 26 جون تک جاری رہنے والے کیمپ میں ماہر ڈاکٹر مریضوں کا معائنہ کریں گے۔ اس موقع پر موتیا کا آپریشن،لینز،عینک اور ادویات سمیت تمام سہولیات مفت فراہم کی جائیں گی۔کیمپ روزانہ صبح نو بجے سے پانچ بجے شام تک جاری رہے گا۔