وارث خان پولیس نے اقدام قتل کے مقدمہ میں نامزد 3 افراد گرفتارکرلئے

اتوار 15 جون 2025 17:45

راولپنڈی(اُردو پوائنٹ اخبارتازہ ترین - این این آئی۔ 15 جون2025ء)وارث خان پولیس نے اقدام قتل کے مقدمہ میں نامزد 3 افراد گرفتارکرلئے۔

(جاری ہے)

تفصیلات کے مطابق وارث خان پولیس نے کاروائی کرتے ہوئے اقدام قتل کے مقدمہ میں نامزد 3 افراد کو گرفتار کر لیا، زیر حراست افراد نے لین دین کے تنازعہ پر فائرنگ، پسٹل کے بٹ اور ڈنڈوں کے وار سے 3 شہریوں کو زخمی کر دیا تھا، واقعہ کا مقدمہ دو روز قبل درج کیا گیا تھا، زیر حراست افراد کو وارث خان پولیس نے ہیومن انٹیلیجنس سمیت تمام ذرائع بروئے کار لاتے ہوئے گرفتار کیا، زیر حراست افراد کے دیگر ساتھیوں کو بھی جلد گرفتار کیا جائے گا، ایس پی راول محمد حسیب راجہ کا کہنا تھا کہ زیر حراست افراد کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی۔