اسرائیل تہران میں کار بم دھماکے کرا رہا ہے، ذرائع کا انکشاف

ایرانی فضائی دفاع نے دارالحکومت پر اسرائیلی حملے کی مرکزی لہر کو پسپا کر دیا ،رپورٹ

پیر 16 جون 2025 11:15

تہران (اُردو پوائنٹ اخبارتازہ ترین - این این آئی۔ 16 جون2025ء)ایک باخبر ذریعے نے انکشاف کیا ہے کہ اسرائیل تہران میں کار بم دھماکے کرنے کا سہارا لے رہا ہے۔ میڈیارپورٹس کے مطابق ذرائع نے بتایا کہ اسرائیل تہران میں کئی کار بم دھماکے کرنے پر مجبور ہے کیونکہ ایرانی فضائی دفاع نے دارالحکومت پر اسرائیلی حملے کی مرکزی لہر کو پسپا کر دیا ہے۔ایرانی دارالحکومت کو نشانہ بنانے والے اسرائیلی حملوں کو پسپا کرنے کے لیے فضائی دفاعی نظام کو فعال کیے جانے کے چند منٹ بعد دارالحکومت کے وسط میں پارلیمنٹ کی عمارت کے قریب ایک زور دار دھماکے کی آواز سنی گئی۔

تہران کے مختلف علاقوں میں بھی دھماکے سنے گئے جن میں شہرک غرب، سعادت آباد، پوناک، اکپتان اور چتگار شامل ہیں۔ عینی شاہدین نے ان علاقوں میں دھواں اٹھتے ہوئے دیکھا۔

(جاری ہے)

ایرانی میڈیا کے مطابق تلگانی سٹریٹ کے قریب ولی عصر سکوائر کے ارد گرد اور دارالحکومت میں پیروزی سٹریٹ پر ایئر فورس ہیڈ کوارٹر کے قریب بھی دھماکے ہوئے۔کار بموں کے علاوہ ایرانی علاقے کے اندر سے شروع کیے گئے اسرائیلی ڈرونز نے کئی فوجی مقامات پر حملہ کیا ہے۔

حکام اور ہتھیاروں کے ماہرین کے مطابق اسرائیلی انٹیلی جنس ایجنٹوں نے ایران میں ڈرون سمگل کیے تھے۔آپریشن سے واقف اسرائیلی حکام نے وضاحت کی ہے کہ اسرائیل نے سینکڑوں دھماکہ خیز مواد سے لدے کواڈ کاپٹروں اور ہیلی کاپٹروں کے سپیئر پارٹس کی سمگلنگ میں مہینوں گزارے ، سوٹ کیسز، ٹرکوں اور شپنگ کنٹینرز کے ساتھ ساتھ جنگی سازوسامان جو ڈرون پلیٹ فارم سے لانچ کیے جا سکتے ہیں کو بھی سمگل کیا گیا۔

انہوں نے یہ بھی وضاحت کی کہ زمین پر موجود ایجنٹوں نے گولہ بارود جمع کیا اور ٹیموں میں تقسیم کیا۔ اسرائیل نے ان ٹیموں کے رہنماں کو تیسرے ممالک میں تربیت دی۔ متعدد ماہرین نے نوٹ کیا کہ استعمال کیے گئے ڈرونز میں سے کچھ کواڈ کاپٹر (چار ہیلی کاپٹر) تھے اور کچھ نسبتا چھوٹے تھے لیکن بم یا دیگر ہتھیار لے جانے کی صلاحیت رکھتے تھے۔