رحیم یارخان ، متعددمقدمات میں مطلوب خطرناک ڈاکو پولیس مقابلے میں ہلاک،ترجمان

پیر 16 جون 2025 12:15

رحیم یارخان (اُردو پوائنٹ اخبارتازہ ترین - اے پی پی۔ 16 جون2025ء) تھانہ صدر خان پور پولیس اور مسلح ملزمان کے درمیان فائرنگ کے تبادلے میں ایک ڈاکو ہلاک ہو گیا ۔ترجمان پولیس پولیس کے مطابق پولیس نے موٹر سائیکل سوار مشکوک افراد کو ناکہ پر روکنے کی کوشش کی تھی ۔ مسلح ملزمان نے ناکے پر موجود پولیس پارٹی پر فائرنگ کردی ۔

(جاری ہے)

فائرنگ کے تبادلےکے دوران ایک ڈاکو ہلاک ہو گیا ، ہلاک ملزم کی شناخت خطرناک ڈاکو ظفر چونگلی کےنام سے ہوئی ، ہلاک ڈاکو ڈکیتی سمیت دیگر سنگین جرائم کے 23 مقدمات کا اشتہاری تھا۔ ہلاک ڈاکو سے ناجائز اسلحہ رائفل بھی برآمد ہوا ، ترجمان نےمزید بتایا کہ ڈی پی او عرفان علی سموں کی پولیس ٹیم کو کوئیک رسپانس اور کامیاب کارروائی پر شاباش دی۔\378