سیدنا عثمان غنیؓ جود و سخا کا پیکر عظیم تھے‘سنی علما کونسل

عثمان غنیؓ کی حیا اور اخلاق کی بدولت رسول اللہ ﷺ نے آپ کو اپنی قربت اور مشابہت میں ممتاز قرار دیا حکومت کو چاہئے کہ خلفائے راشدین کے ایام کو سرکاری سطح پر مناکر عام تعطیل کا اعلان کرے‘مقررین

پیر 16 جون 2025 12:20

لاہور (اُردو پوائنٹ اخبارتازہ ترین - این این آئی۔ 16 جون2025ء) خلیفہ سوم سیدنا حضر ت عثمان غنی ؓ کے یوم شہادت کی منا سبت سے سنی علما کونسل لاہور کے زیراہتمام قصرفاروق اعظم جیاموسی شاہدرہ لاہور میں مولانا حافظ حسین احمد کی زیر صدارت حضرت سیدنا عثمانؓ ذوالنورین سیمینار منعقد ہوا جس میںمرکزی سیکرٹری جنرل سنی علما کونسل مولانا عبدالخالق رحمانی،نائب صدر سنی علما کونسل پنجاب مولانا عمر حیدری نے خطاب کیا جبکہ نعتیہ کلام مولانا ضیا اللہ عثمان، مولانا غلام یاسین،مولانا محمد ابوبکر میواتی نے پیش کیا، سیدنا عثمانؓ ذوالنورین سیمینار میں جماعت کے کثیر تعداد میںکارکنان نے شرکت اور سیدنا عثمانؓ ذوالنورین سے اپنی محبت اورعقیدت کااظہارکرینگے۔

تقریب سے خطاب کر تے ہو ئے مرکزی سیکرٹری جنرل سنی علما کونسل مولانا عبدالخالق رحمانی نے کہاکہ سیدنا عثمان غنیؓ جود و سخا کا پیکر عظیم تھے، عثمان غنیؓ کی حیا اور اخلاق کی بدولت رسول اللہ ﷺ نے آپ کو اپنی قربت اور مشابہت میں ممتاز قرار دیا،حکومت کو چاہئے کہ خلفائے راشدین کے ایام کو سرکاری سطح پر مناکر عام تعطیل کا اعلان کرے۔

(جاری ہے)

انہوں نے مزید کہاکہ حضرت عثمان غنیؓ کا نام و نسب اور خاندانی شجرہ پانچویں پشت میں رسول اللہ صلی اللہ تعالی علیہ والہ وسلم کے شجرہ نسب سے ملتا ہے،سیدنا عثمان غنی رضی اللہ تعالی عنہ نے دنیا میں قرآن کریم کی نشر و اشاعت فرما کر امت مسلمہ پر احسان عظیم کیا ہے، سیدنا عثمان غنی رضی اللہ تعالی عنہ کو فیضان نبوت سے دو نور عطا کئے جانے کا وہ شرف ملا جس نے آپ کو ذوالنورین بنادیا۔

حضرت عثمان بن عفان رضی اللہ تعالی عنہ فیضان نبوت کے فیض یافتہ وہ صحابی ہیں جنہوں نے اپنے مال ومتاع کیذریعے خدمت اسلام میں پیش پیش رہے غلاموں کی آزادی کا معاملہ ہو یا مسلمانوں کی خیرخواہی کے کام،توسیع مسجد ہو یا وسعت اسلام کیلئے مالی قربانی جنگی سازوسامان ہو یا سوشل ویلفیئر کے کام ہر معاملہ میں حضرت عثمان غنی نے اپنا مال رسول اللہ صلی اللہ علیہ والہ وسلم کی خدمت میں پیش کیا۔مقررین نے مطالبہ کیا ہے کہ حکومت خلفائے راشدین کے ایام ہائے شہادت وفات پر سرکاری چھٹی کا اعلان کرے۔