کمسن بچے سے اجتماعی جنسی زیادتی برہنہ ویڈیو فلم بنا کر سوشل میڈیا پر وائر ل کی دھمکی

ڈیڑھ لاکھ روپے بھتہ لے لیامقدمہ درج ورکشاپ مکینک گرفتار

پیر 18 اگست 2025 23:05

ساہیوال (اُردو پوائنٹ اخبارتازہ ترین - این این آئی۔ 18 اگست2025ء)کمسن بچے سے اجتماعی جنسی زیادتی برہنہ ویڈیو فلم بنا کر سوشل میڈیا پر وائر ل کرنے کی دھمکی دے کر ڈیڑھ لاکھ روپے بھتہ لے لیا۔ مقدمہ درج ایک گرفتار۔

(جاری ہے)

چک 34 پل احسان کالج ارشاد ٹاؤن میں ایک 15سالہ کمسن بچے عمر فاروق کو اس کے پڑوسی محمد شہزاد ،عمیر اور سہیل دوستوں سے ملوانے کے چکر میں لے گئے اور ورکشاپ میں لے جا کر ملزموں نے باری باری بدفعلی کی اور ویڈیو فلم بھی بناتے رہے اس کے بعد بلیک میل کر کے ڈیڑھ لاکھ روپے کا بھتہ برہنہ ویڈیو فلم ڈ لیئیٹ کرنے کے بہانے وصول کر لیا اور جنسی زیادتی کا پھر نشانہ بنایا جس کے بعد مزید تین لاکھ روپے بھتہ کا مطالبہ کیا ۔

پولیس غلہ منڈی نے کمسن بچے کے بڑے بھائی محمد فراز کی مدعیت میں مقدمہ 375 ای, 376iii اور 292 ت پ درج کر کے تفتیش شروع کر دی ہے اور پڑوسی ملزم محمد شہزاد کو حراست میں لے لیا ہے۔