صادق آباد، گرلز ڈگری کالج اور جدید سپورٹس کمپلیکس کے منصوبوں کی حتمی منظوری

صادق آباد (اُردو پوائنٹ اخبارتازہ ترین - اے پی پی۔ 16 جون2025ء) صادق آباد کےعلاقہ بھونگ میں گرلز ڈگری کالج اور جدید سپورٹس کمپلیکس کے منصوبوں کی حتمی منظوری دیدی گئی ہے۔ رکن صوبائی اسمبلی پنجاب سردار رئیس نبیل احمدکی انتھک محنت اور کوششوں کے نتیجے میں ضلع انتظامیہ کی جانب سے اس اقدام کو علاقے کے ترقیاتی منظر نامے میں ایک تاریخی قدم قرار دیا جا رہا ہے۔

گرلز ڈگری کالج کے اس منصوبے کا مقصد علاقے کی بچیوں کو اعلیٰ تعلیم کے لیے دور دراز جانے کی ضرورت ختم کرنا ہے۔ میاں محمد حسن انور شیخ سمیت تمام علاقائی لوگوں نے سردار رئیس نبیل احمد کے اس شاندار اقدام کو سراہا اور انہیں خراج تحسین پیش کیا کالج میں سائنس، آرٹس، اور کامرس کے شعبوں میں معیاری تعلیم دی جائے گی۔

(جاری ہے)

ابتدائی طور پر 5 ایکڑ رقبے پر کیمپس کی تعمیر ہوگی، جس میں لیبارٹریز، لائبریری، اور جدید کلاس رومز شامل ہوں گے سپورٹس کمپلیکسکہ قیام سے نوجوانوں کی صحت اور کھیلوں کی صلاحیتوں کو فروغ دینے کے لیے ایک جدید ملٹی اسپورٹس اسٹیڈیم تعمیر کیا جائے گا۔

کمپلیکس میں کرکٹ، فٹبال، والی بال کے گراؤنڈز، سوئمنگ پول، اور جمنازیم کی سہولیات دستیاب ہوں گی۔ مقامی اور ضلعی سطح کے کھیلوں کے مقابلے بھی یہاں منعقد کیے جائیں گے۔ سابق چیئرمین نے اس کامیابی پر خوشی کا اظہار کرتے ہوئے کہا ک یہ سردار رئیس نبیل احمد کی خصوصی شفقت اور علاقہ کی پسماندگی کو ختم کرنے کے حوالے سے احسن اقدام ہے اس سے تعلیمی معیار میں اضافہ اور دیگر بنیادی سہولیات کی فراہمی ممکن ہوگی یہ احمد پور لمہ کی عوام کا خواب تھا جو آج پورا ہوا ہے۔

ہماری لڑکیوں کو اب قریبی سطح پر معیاری تعلیم ملے گی اور نوجوان کھیلوں کے ذریعے اپنی صلاحیتیں نکھار سکیں گے۔ انہوں نے ضلعی انتظامیہ اور مقامی رہنماؤں کے تعاون کا بھی شکریہ ادا کیا۔ علاقے کے لوگوں مقامی طالبات، والدین، اور کھیلوں کے شوقین نوجوانوں نے اس فیصلے کو خوش آئند قرار دیا ہے۔ ایک طالبہ عائشہ بتول راحیلہ پروین سعدیہ کنول شمائلہ بی بی اقصی کمل نے کہا کہ پہلے ہمیں تعلیم کے لیے5 کلومیٹر دور جانا پڑتا تھا، اب ہمارے گاؤں میں ہی ڈگری کالج ہوگا،ضلعی حکومت نے جلد ہی ان منصوبوں کے لیے زمین کی مختصی اور تعمیراتی کاموں کا آغاز کرنے کا اعلان کیا ہے۔

عوامی حلقوں کا ماننا ہے کہ یہ ترقیاتی اقدامات نہ صرف احمد پور لمہ بلکہ پورے علاقے کے معیار زندگی کو بہتر بنائیں گے۔