پاکستان بیس بال ٹیم کے کھلاڑی لانس خان ٹریفک حادثے میں چل بسے

لانس خان نے 2023ء کے لنکون کپ میں پاکستان کی جانب سے ایک میچ کھیلا تھا

ذیشان مہتاب منگل 17 جون 2025 15:15

ہیوسٹن (اردو پوائنٹ تازہ ترین اخبار ۔ 17 جون 2025ء ) پاکستان بیس بال ٹیم کے کھلاڑی لانس خان ٹریفک حادثے میں جاں بحق ہوگئے۔

صدر بیس بال فیڈریشن کے مطابق لانس خان اتوار کی صبح امریکی ریاست ٹیکساس کے شہر ہیوسٹن میں ٹریفک حادثے کا شکار ہوئے تاہم اب وہ انتقال کرگئے ہیں۔

فخر شاہ نے بتایا کہ لانس خان نے 2023ء کے لنکون کپ میں پاکستان کی جانب سے ایک میچ کھیلا تھا ۔

(جاری ہے)

صدر بیس بال فیڈریشن کے مطابق لانس خان آؤٹ فیلڈ کی پوزیشن پر کھیلتے تھے۔

فخر شاہ نے بتایا کہ لانس خان پاکستان کے بیرونِ ملک مقیم ٹیلنٹ میں سے ایک تھے۔

لانس خان کے بھائی پیئرس خان بھی پاکستان بیس بال ٹیم کے پلیئر ہیں۔