متحدہ عرب امارات کے بڑے کیریئرز کا بڑے پیمانے پر پروازوں کی معطلی اور روٹ میں تبدیلی کا اعلان

دبئی (اُردو پوائنٹ اخبارتازہ ترین - اے پی پی۔ 17 جون2025ء) ایران، عراق، اسرائیل اور خطے کے کچھ حصوں میں فضائی حدود کی بندش سے ہوائی سفر میں خلل پڑنے کے پیش نظر متحدہ عرب امارات کے بڑے کیریئرز بشمول امارات، اتحاد، فلائی دبئی اور ایئر عربیہ نے بڑے پیمانے پر پروازوں کی معطلی اور روٹ میں تبدیلی کا اعلان کیا ہے ۔رائٹرز اور عرب نیوز کے مطابق دبئی، ابوظہبی اور شارجہ کے راستے مشرق وسطیٰ کے مقامات پر سفر کرنے والے مسافروں کو اپنی پرواز کی حیثیت چیک کرنے اور دوبارہ بکنگ کے اختیارات پر غور کرنے کی ہدایت کی گئی ہے کیونکہ تاخیر اور منسوخی جاری ہے۔

دبئی میں مقیم امارات نے اردن (عمان)، لبنان (بیروت)، ایران (تہران) اور عراق (بغداد اور بصرہ) کے لیے پروازیں 30 جون تک معطل کر دی ہیں، اردن اور لبنان کے لیے پروازیں 22 جون تک روک دی گئی ہیں۔

(جاری ہے)

تل ابیب آنے اور جانے والی تمام پروازیں بھی معطل ہیں۔ایئر لائن نے دبئی کے ذریعے ان مقامات سے جڑنے والے مسافروں کو مشورہ دیا کہ وہ اپنا سفر جاری نہ رکھیں اور اس کے بجائے بکنگ ایجنٹوں سے دوبارہ بکنگ یا رقم کی واپسی کے لیے چیک کریں۔

ایمریٹس نے اس بات پر زور دیا کہ حفاظت اولین ترجیح ہے اور اس کی وجہ سے ہونے والی تکلیف کے لیے معذرت خواہ ہیں۔اتحاد ایئرویز نے فضائی حدود کی بندش اور علاقائی کشیدگی کے باعث ابوظہبی اور تل ابیب کے درمیان تمام پروازیں 22 جون تک منسوخ کر دی ہیں۔عمان (اردن) اور بیروت (لبنان) کے لیے پروازیں 17 جون کو نظر ثانی شدہ شیڈول کے ساتھ چلیں گی۔ مسافروں سے اپیل کی گئی ہے کہ وہ اپنے رابطے کی تفصیلات ائر لائن کی ویب سائٹ پر ریئل ٹائم الرٹس کے لیے اپ ڈیٹ کریں اور اگر منسوخ شدہ راستے پر منتقل ہو رہے ہوں تو سفر کرنے سے گریز کریں۔

فلائی دبئی نے ، ایران، عراق، اسرائیل اور شام کے لیے خدمات 20 جون تک معطل رکھنے کا اعلان کیا ہے ۔ائرلائن کو علاقائی صورتحال کی وجہ سے شیڈول میں بڑی رکاوٹوں کا سامنا کرنا پڑ رہا ہے، جس میں جاری منسوخی، ری روٹنگ اور تاخیر ہوتی ہے۔ مسافروں کو مشورہ دیا جاتا ہے کہ وہ اپنی پرواز کی حالت کو باقاعدگی سے چیک کریں۔ایئر عربیہ نے ایران اور عراق 30 جون تک معطل کر دی ہیں۔

ایئرلائن نے موجودہ صورتحال کے پیش نظر تہران، مشہد، شیراز اور لار سمیت ایران میں اپنے سیلز دفاتر کو بھی عارضی طور پر بند کر دیا ہے۔متحدہ عرب امارات کی وزارت خارجہ (ایم او ایف اے) نے ہفتے کے روز ایک فوری ایڈوائزری جاری کی، جس میں اماراتی شہریوں، رہائشیوں اور مسافروں پر زور دیا گیا کہ وہ ابھرتی ہوئی صورتحال کے دوران اپنی ایئر لائنز کے ساتھ رابطے میں رہیں۔