اسرائیلی افواج نے محفوظ پناہ گاہوں کے قریب کاروبار کھولنے کی اجازت دے دی، سکول تا حکم ثانی بند

بدھ 18 جون 2025 19:49

تل ابیب (اُردو پوائنٹ اخبارتازہ ترین - این این آئی۔ 18 جون2025ء)اسرائیلی افواج کی ہوم فرنٹ کمانڈ کی سول ڈیفنس پالیسی میں تبدیلیوں کے تحت محفوظ پناہ گاہوں کے قریب کاروبار کھولنے اور چھوٹے اجتماعات کی اجازت دیدی گئی ہے تاہم ملک بھر میں اسکول تاحکم ثانی بند رہیں گے۔

(جاری ہے)

اسرائیلی میڈیا کے مطابق شمالی سرحدی علاقوں گولان ہائٹس، بیت شان ویلی، وادی اردن، بحیرہ مردار، عرابہ، ایلات، اور غزہ کی سرحدی بستیوں میں سرگرمی کی سطح کو ضروری سرگرمی سے جزوی سرگرمی میں تبدیل کر دیا گیا ہے۔

ان علاقوں میں اجتماعات کی اجازت بیرونی جگہوں پر 50افراد اور اندرونی مقامات پر 100افراد تک دی گئی ہے، تاہم قریبی پناہ گاہ تک بروقت پہنچنے کی شرط لوگ ہوگی۔اسرائیل میں کام کی جگہیں بھی انہی شرائط کے تحت کھولنے کی اجازت ہو گی، لیکن سکول بدستور بند رہیں گے۔یہ ہدایات جمعہ کی رات تک مو ثر رہیں گی جس کے بعد ہوم فرنٹ کمانڈ دوبارہ جائزہ لے گا۔