Live Updates

حکومت آزاد کشمیرنے ریاست کی تعمیر و ترقی کیلئے اپنی ضروریات کو مدنظر رکھتے ہوئے آئندہ مالی سال کے لئے49ارب روپےکا ترقیاتی پروگرام مرتب کیا، وزیرخزانہ عبدالماجد خان

بدھ 18 جون 2025 22:50

مظفر آباد (اُردو پوائنٹ اخبارتازہ ترین - اے پی پی۔ 18 جون2025ء) وزیرخزانہ عبدالماجد خان نے اپنی بجٹ تقریر میں کہاکہ حکومت آزاد جموں و کشمیرنے ریاست کی تعمیر و ترقی کیلئے اپنی ضروریات کو مدنظر رکھتے ہوئے آئندہ مالی سال کے لئے 49ارب روپے کا ترقیاتی پروگرام مرتب کیا ہے۔ جس میں ایک ارب روپے کی فارن ایڈ شامل ہے۔

(جاری ہے)

دستیاب وسائل کے خلاف شاہرات، صحت عامہ،تعلیم، توانائی و آبی وسائل، فزیکل پلاننگ و ہاؤسنگ، گورننس،لوکل گورنمنٹ و دیہی ترقی، انفارمیشن ٹیکنالوجی، سیاحت،، ڈیزاسٹر منیجمنٹ، آبپاشی اور زراعت وغیرہ کے منصوبہ جات پر عملدرآمد کی تجویز ہے۔

انہوں نے کہاکہ انشاء اللہ حکومت آزاد جموں و کشمیر دستیاب مالی وسائل کو بہتر اور شفاف طریقہ سے استعمال کرتے ہوئے آزاد کشمیر کی ترقی میں اپنا کردار ادا کرے گی، نیز ترقیاتی سرگرمیوں کے ذریعے لوگوں کو سماجی و پیداواری شعبہ جات کے علاوہ رسل و رسائل کی بہتر سہولیات کی فراہمی، معاشی ترقی اور غربت کے خاتمے اور روزگار کی فراہمی جیسے اہم اہداف کے حصول کو یقینی بنانے کے علاوہ ان اقدامات سے ریاستی آمدنی میں اضافہ کو یقینی بنایا جائیگا۔