چیئرمین تعلیمی بورڈ و کمشنرسرگودھا کی زیر صدارت فنانس کمیٹی کااجلاس ، مالی سال 26-2025ء کے بجٹ کی منظوری

جمعرات 19 جون 2025 17:30

سرگودھا (اُردو پوائنٹ اخبارتازہ ترین - اے پی پی۔ 19 جون2025ء) تعلیمی بورڈ سرگودھا کی فنانس کمیٹی نے مالی سال 26-2025ء کے بجٹ کی منظوری دے دی۔ بورڈ آف انٹرمیڈیٹ اینڈ سیکنڈری ایجوکیشن سرگودھا کی فنانس کمیٹی کا اہم اجلاس چیئرمین بورڈ و کمشنر سرگودھا ڈویژن جہانزیب اعوان کی زیرِ صدارت منعقد ہوا جس میں مالی سال 26-2025ء کے سالانہ بجٹ کی منظوری دی گئی۔

منظور شدہ بجٹ کو بورڈ آف گورنرز کے آئندہ اجلاس میں حتمی منظوری کے لیے پیش کیا جائے گا۔ سیکرٹری بورڈ ابو الحسن نقوی نے بجٹ کی تفصیلی بریفنگ دیتے ہوئے بتایا کہ مالی سال 26-2025ء کے لیے سرگودھا بورڈ کا کل بجٹ 2 ارب 15 کروڑ روپے ہے جبکہ اخراجات کا تخمینہ 2 ارب 7 کروڑ روپے لگایا گیا ہےجس سے بورڈ کے مالی استحکام کا اظہار ہوتا ہے۔

(جاری ہے)

انہوں نے مزید تفصیلات پیش کرتے ہوئے بتایا کہ بجٹ میں تنخواہوں کی مد میں 61 کروڑ 90 لاکھ روپے اور پنشن کی مد میں 27 کروڑ روپے مختص کیے گئے ہیں ۔

انہوں نے مزید بتایا کہ ترقیاتی منصوبہ جات، آئی ٹی انفراسٹرکچر، امتحانی نظام کی بہتری اور دیگر انتظامی اخراجات کے لیے بقیہ بجٹ مختص کیا گیا ہے۔ اجلاس میں کمیٹی کے ممبران ،ڈائریکٹر کالجز ناہید ناز، آڈٹ آفیسر، فنانس ڈیپارٹمنٹ کے نمائندگان اور دیگر متعلقہ افسران نے شرکت کی۔ ممبران نے بجٹ کو متوازن، حقیقت پسندانہ اور اصلاحاتی قرار دیا، جو بورڈ کی تعلیمی اور امتحانی خدمات کو مزید شفاف اور مؤثر بنانے میں مددگار ثابت ہوگا۔ اجلاس میں چیئرمین بورڈ جہانزیب اعوان نے بورڈ انتظامیہ کی کارکردگی کو سراہتے ہوئے کہا کہ بورڈ کا یہ بجٹ طلبہ و طالبات کو سہولیات کی فراہمی، عملے کی بہبود، اور ادارے کے نظم و ضبط کو مزید بہتر بنانے کے لیے سنگ میل ثابت ہوگا۔

Facebook Twitter Google + Share on Whatsapp

چیئرمین تعلیمی بورڈ و کمشنرسرگودھا کی زیر صدارت فنانس کمیٹی کااجلاس ، مالی سال 26-2025ء کے بجٹ کی منظوری

متعلقہ عنوان :

مزید موسم کی خبریں