محکمہ ہائوسنگ و پبلک ہیلتھ میں پہلی دفعہ اندرونی احتساب بورڈ قائم

اندرونی احتساب بورڈ محکمہ ہائوسنگ اور ذیلی اداروں میں کرپشن شکایات کے خلاف کاروائی کرے گا کڑا احتساب عوامی منصوبوں میں شفافیت کو برقرار رکھنے میں مددگار ہوگا‘ سیکرٹری ہائوسنگ نورالامین مینگل

جمعرات 19 جون 2025 20:35

لاہور (اُردو پوائنٹ اخبارتازہ ترین - این این آئی۔ 19 جون2025ء)وزیر اعلی پنجاب کے احکامات، ترقیاتی منصوبوں میں شفافیت اور بہترین معیار۔

(جاری ہے)

محکمہ ہائوسنگ و پبلک ہیلتھ انجینئرنگ میں پہلی دفعہ اندرونی احتساب بورڈ قائم کردیا گیا،اندرونی احتساب بورڈ محکمہ ہاوسنگ اور ذیلی اداروں میں کرپشن شکایات کے خلاف کارروائی کرے گا،بورڈ بدعنوانی کی تحقیقات کرکے پیڈا ایکٹ کے تحت کارروائی تجویز کرے گا، نوٹیفکیشن کے مطابق محکمہ ہائوسنگ، اتھارٹیز اور ایجنسیوں میں اصلاحات، پالیسی اقدامات کی سفارش بھی کرے گا، اسپیشل سیکرٹری ہاسنگ و پبلک ہیلتھ ڈیپارٹمنٹ بورڈ کے کنوینر مقرر کیے گئے ہیں، سیکشن آفیسر (ڈسپلن)کو بورڈ کا سیکرٹری نامزد کیا گیا ہے،سیکرٹری ہائوسنگ کی ہدایت پر تمام واساز، ڈویلپمنٹ اور پارکس اتھارٹیز کو مراسلہ جاری کردیا گیا ہے، سیکرٹری ہائوسنگ نور الامین مینگل کا کہنا تھا کہ وزیر اعلی پنجاب کے میرٹ و شفافیت ویژن کے مطابق اندرونی احتساب تشکیل دیا گیا ہے، محکمہ ہائوسنگ اربوں روپے کے ترقیاتی کام کرتا ہے، اس لیے کڑا احتساب عوامی منصوبوں میں شفافیت کو برقرار رکھنے میں مدد گار ہوگا۔