موسمیاتی تبدیلی سے نمٹنے کیلئے ہر ایک کو اپنا کردار ادا کرنا ہوگا: ڈاکٹرمصدق ملک

جمعہ 20 جون 2025 21:15

اسلام آباد (اُردو پوائنٹ اخبارتازہ ترین - آن لائن۔ 20 جون2025ء) وفاقی وزیر موسمیاتی تبدیلی ڈاکٹر مصدق ملک نے کہا ہے کہ موسمیاتی تبدیلی سے نمٹنے کیلئے ہر ایک کو اپنا کردار ادا کرنا ہوگا۔عالمی یوم ماحولیات 2025 کے تحت سیمینار سے خطاب کرتے ہوئے وفاقی وزیر ڈاکٹر مصدق ملک کا کہنا تھا کہ ملک کی زیادہ آبادی نوجوانوں پر مشتمل ہے جو ہمارا قیمتی سرمایہ ہیں، نوجوان ہمارا مستقبل ہیں، یہی نوجوان کل اپنے ملک کا دفاع کریں گے۔

(جاری ہے)

انہوں نے کہا کہ ہمیں اپنی آئندہ نسلوں کے مستقبل کو محفوظ بنانا ہے، حکومت موسمیاتی تبدیلی سے نمٹنے کیلئے اقدامات کر رہی ہے، موسمیاتی تبدیلی سے نمٹنے کیلئے ہر ایک کو اپنا کردارادا کرنا ہوگا۔ انہوں نے کہا کہ ہمارا ملک قدرتی وسائل سے مالا مال ہے، ہمارے پاس جدید ترین ٹیکنالوجی ہے، ماحول کے تحفظ کیلئے پلاسٹک بیگز کا استعمال ترک کرنا ہوگا، پانی ہماری زندگی کا اہم حصہ ہے، پانی ذخیرہ کرنے کیلئے جدید ٹیکنالوجیز کو اپنانا چاہیے۔