Live Updates

وزیراعظم کا امریکی وزیرخارجہ سے ٹیلیفونک رابطہ، صدرٹرمپ کیلئے نیک خواہشات کا اظہار

پاکستان مشرق وسطیٰ میں قیام امن کیلئے تعمیری کردارادا کرنے کو تیار ہے، پاکستان بھارت کے ساتھ کشمیر سمیت تمام مسائل پر مذاکرات کا خواہاں ہے۔ وزیراعظم شہبازشریف کی گفتگو

ثنااللہ ناگرہ جمعہ 20 جون 2025 20:33

وزیراعظم کا امریکی وزیرخارجہ سے ٹیلیفونک رابطہ، صدرٹرمپ کیلئے نیک ..

اسلام آباد (اُردو پوائنٹ اخبارتازہ ترین۔ 20 جون2025ء) وزیراعظم پاکستان میاں شہبازشریف اور امریکی وزیرخارجہ سے ٹیلیفونک رابطہ ہوا ہے، جس میں وزیراعظم نے امریکی صدر ٹرمپ کیلئے نیک خواہشات کا اظہار کیا ہے۔ میڈیا کے مطابق وزیراعظم شہبازشریف نے امریکی وزیرخارجہ سے گفتگو کرتے ہوئے کہا کہ پاکستان مشرق وسطیٰ میں قیام امن کیلئے تعمیری کردارادا کرنے کو تیار ہے، پاکستان بھارت کے ساتھ کشمیر سمیت تمام مسائل پر مذاکرات کا خواہاں ہے، پاک بھارت جنگ کے خطرے کو ٹالنے میں امریکی کردار کو سرہاتے ہیں۔

امریکی صدر ٹرمپ کے پاکستان سے متعلق حالیہ مثبت بیانات حوصلہ افزا ہیں۔ کے بیان سے پاکستان کی جنوبی ایشیا میں حوصلہ افزائی ہوئی۔ وزیراعظم نے ایران اور اسرائیل کشیدگی کے پرامن حل پر بھی زور دیا۔

(جاری ہے)

وزیراعظم نے کہا کہ پاکستان مشرق وسطیٰ میں قیام امن کیلئے تعمیری کردار ادا کرنے کو تیار ہے۔ وزیراعظم نے امریکا کے ساتھ تجارتی تعلقات ، سرمایہ کاری، توانائی، آئی ٹی اور معدنیات سے متعلق تعاون بڑھانے پر زور دیا۔

وزیراعظم نے گفتگو کے دوران دہشتگرد گروہوں کیخلاف مؤثر کارروائی کا بھی ذکر کیا۔ اس پر امریکی وزیر خارجہ نے کہا کہ پاکستان کی انسداد دہشتگردی کی کوششوں کو سراہتے ہیں۔ وزیراعظم شہبازشریف نے صدر ٹرمپ اور فیلڈ مارشل سیدعاصم منیر کے درمیان ملاقات کو مثبت پیشرفت قرار دیا۔ دوسری جاب ترجمان وائٹ ہاؤس کا کہنا ہے کہ امریکی صدر ٹرمپ آئندہ 2 ہفتوں کے اندر ایران پر حملے سے متعلق فیصلہ کریں گے، وائٹ ہاؤس کی پریس سیکریٹری کیرولین لیویٹ نے پریس بریفنگ کے دوران کہا کہ امریکی صدر ڈونلڈ ٹرمپ اگلے دو ہفتوں میں یہ فیصلہ کریں گے کہ آیا امریکہ براہ راست ایران کے خلاف جنگ میں اسرائیل کے ساتھ شامل ہو گا یا نہیں۔

وائٹ ہاؤس کی پریس سیکریٹری کیرولین لیویٹ نے پریس بریفنگ کے دوران امریکی صدر ڈونلڈ ٹرمپ کا بیان پڑھ کر سنایا۔ وائٹ ہاؤس کی ترجمان کیرولین لیوٹ نے کہا کہ ایران کے ساتھ مستقبل قریب میں ممکنہ مذاکرات کے امکانات کے پیش نظر صدر ٹرمپ نے پیغام دیا ہے کہ وہ آئندہ 2 ہفتوں میں فیصلہ کریں گے کہ امریکہ کو اس تنازع میں شریک ہونا چاہیے یا نہیں۔