Live Updates

سینیٹر شبلی فراز نے سینیٹ خزانہ کمیٹی کی جانب سے سفارشات اجلاس سے قبل فراہم نہ کرنے پر اپنے شدید تحفظات کا اظہار کردیا

ہفتہ 21 جون 2025 21:29

اسلام آباد(اُردو پوائنٹ اخبارتازہ ترین - آن لائن۔ 21 جون2025ء)ایوان بالا میں اپوزیشن لیڈر سینیٹر شبلی فراز نے سینیٹ خزانہ کمیٹی کی جانب سے سفارشات اجلاس سے قبل فراہم نہ کرنے پر اپنے شدید تحفظات کا اظہار کردیا۔

(جاری ہے)

ہفتہ کو ایوان بالا میں اپوزیشن لیڈر سینیٹر شبلی فراز نے کہاکہ بجٹ کی منظوری کا زیادہ تر اختیار قومی اسمبلی کا ہے تاہم سینیٹ کو بھی کسی حد تک بجٹ ساز میں شامل کیا گیا ہے اور اراکین سینیٹ کی جانب سفارشات مانگی گئی اور بجٹ پر اظہار خیال کرنے کا موقع ملا ہے انہوں نے کہاکہ سینیٹ کی فنانس اور منصو بہ کمیٹی میں اراکین سینیٹ کی جانب سے سفارشات دی گئی اور ہم نے بھی تجاویز جمع کرائی جس کے بعد میں نے چیرمین خزانہ کمیٹی سے اپوزیشن کی تجاویز کی فہرست طلب کی اور انہوںنے وعدہ کیا کہ اپوزیشن کے ساتھ تجاویز شیئر کریں گے مگر ابھی تک ہمارے ساتھ وہ تجاویز شیئر نہیں کی گئی ہیں جس پر ہمیں سخت ناراضگی ہے انہوں نے کہاکہ میں ریکارڈ پر یہ بات لانا چاہتا ہوں کہ ہمیں کوئی علم نہیں ہے کہ ہماری تجاویز کو کمیٹی نے شامل کیا ہے یا نہیں انہوں نے کہاکہ لگتا یہی ہے کہ ہماری تجاویز کو سینیٹ کمیٹی کی سفارشات میں شامل نہیں کیا گیا ہے انہوں نے کہاکہ یہ بجٹ عوام دشمن ہے اور اس میں قرضوں پر انحصار کیا گیا ہے انہوں نے کہاکہ قرضے قرضے لینا بری بات نہیں ہے تاہم صرف قرضوں پرانحصار کرنا درست نہیں ہے انہوں نے کہاکہ جب ہم قرضے لیتے ہیں تو اپنی خودمختاری کو دائو پر لگا دیتے ہیں انہوںنے کہاکہ حکومت نے اپنے خرچے کم نہیں کئے ہیں اور ٹیکسوں کی بھرمار کردی ہے۔

۔۔۔۔۔۔اعجاز خان