سیکرٹری ہاؤسنگ نور الامین مینگل کا ڈی جی ایل ڈی اے کے ہمراہ مختلف علاقوں کا دورہ، ترقیاتی کاموں کا جائزہ لیا

ہفتہ 21 جون 2025 22:28

لاہور (اُردو پوائنٹ اخبارتازہ ترین - اے پی پی۔ 21 جون2025ء) سیکرٹری ہاؤسنگ نور الامین مینگل نے ڈی جی ایل ڈی اے طاہر فاروق کے ہمراہ ایل ڈی اے کے مختلف منصوبوں کا دورہ کیا۔سیکرٹری ہاوسنگ نور الامین مینگل نے راوی برج، ٹولنٹن مارکیٹ، گلبرگ سکیم کے مختلف بلاکس کا دورہ کیا۔ڈی جی اور چیف انجینئر ایل ڈی اے اسرار سعید نے جاری ترقیاتی کاموں بارے بریفنگ دی۔

سیکرٹری ہاؤسنگ نور الامین مینگل نے ٹولنٹن مارکیٹ کی اپ گریڈیشن کا تفصیلی جائزہ لیا۔

(جاری ہے)

سیکرٹری ہاؤسنگ نے ٹولنٹن مارکیٹ کی بیک سائیڈ پر سلاٹر ہاوس کی مجوزہ سائٹ کا بھی دورہ کیا۔ انہوں نے بریفنگ میں بتایا کہ ٹولنٹن مارکیٹ کی بیک سائیڈ پر سلاٹر ہاؤس بنایا جائے گا۔ مجوزہ سلاٹر ہاوس میں یومیہ ایک لاکھ سے زائد مرغیوں کی سلاٹرنگ کی گنجائش ہو گی۔ سیکرٹری ہاوسنگ نے گلبرگ سکیم کے مختلف بلاکس کا دورہ کیا۔ انہوں نے گلبرگ سکیم کے مختلف بلاکس میں سسٹین ایبل ڈویلپمنٹ کے تحت ترقیاتی کاموں کا جائزہ لیا۔اس موقع پر چیف انجینئر ایل ڈی اے اسرار سعید، ڈی جی واسا پنجاب، ایم ڈی واسا اور دیگر افسران موجود تھے۔