ڈیر ی فارم 132ڈاکوؤں نے مالک کے بیٹے اور کزن کو اغواکر لیا

8لاکھ روپے تاوان کے بعد رہائی موٹر سائیکل نقدی اور 5موبائل لے گئے

پیر 23 جون 2025 04:05

ساہیوال (اُردو پوائنٹ اخبارتازہ ترین - این این آئی۔ 23 جون2025ء)نواہی چک 132 نو ایل میں9 ڈاکوؤں نے ڈیری فارم میں داخل ہو کر فارم مالک کے بیٹے علی حسن اور اور اس کے کزن شہروز کو اغوا کے بعد آٹھ لاکھ روپے تاوان لے کر رہا کر دیا ۔تفصیلات کے مطابق چک 132 نو ایل میںگزشتہ رات ڈیری فارم پر 9 ڈاکوؤں کا گروہ ڈیری فارم میں کلاشنکوفوں سے مسلح داخل ہو گیا ڈیر ی فارم مالک محمد یوسف کے بیٹے علی حسن اور اس کے کزن شہروزسے 7 ہزار روپے نقدی اور پانچ موبائل چھین لیے۔

(جاری ہے)

جس کے بعد علی حسن اور شہزاد کو اغوا کرکے کار میں لے گئے اور جاتے ہوئے ملزموں نے علی حسن سے اس کے باپ کو ٹیلی فون کر وایا اور کہا کہ ایک گھنٹے کے اندر 133 نو ایل پل نہر پر آٹھ لاکھ روپے تاوان لے کر آجاؤ ورنہ دونوں کو قتل کر دیں گے جس پر ڈیری مالک محمد یوسف موٹر سائیکل پر 8 لاکھ روپے لے کر آگیا اور تاوان کی ادائیگی کے بعد بیٹے علی حسن اور شہروز کو بازیاب کرا لیا جب محمد یوسف واپس جانے لگا تو ڈاکوؤں نے اس کی موٹر سائیکل نمبر 1882 ایس ایل ایم بھی چھین لی اور فائرنگ کرتے ہوئے فرار ہو گئے ۔پولیس غلہ منڈی نے محمد یوسف کی مدعیت میں مقدمہ درج کر کے تفتیش شروع کر دی ہے ابھی تک ملزموں کا کوئی سراغ نہیں چل سکا۔