لاہور سمیت صوبہ بھر میں پولیس کی ہفتہ وار جنرل پریڈ کاانعقاد

پیر 23 جون 2025 11:54

لاہور (اُردو پوائنٹ اخبارتازہ ترین - اے پی پی۔ 23 جون2025ء) آئی جی پنجاب ڈاکٹر عثمان انور کی ہدایت پر لاہور سمیت صوبہ بھر میں ہفتہ وار جنرل پریڈ کا سوموار کو انعقاد ہوا۔سینئر پولیس افسران نے پریڈ کا معائنہ کیا،پریڈ کے دستوں نے سلامی پیش کی۔ترجمان پنجاب پولیس کے مطابق جنرل پریڈ میں پولیس لائنز، ڈولفن فورس، اینٹی رائٹ فورس، ٹریفک پولیس، مجاہد سکواڈ ایس پی یو، لیڈیز پولیس، او سی یو، انوسٹی گیشن ونگ اور آپریشن ونگ تھانہ جات کے افسران و جوانوں نے شرکت کی،سینیئر افسران نے پریڈ میں حصہ لینے والے افسران و جوانوں کا ٹرن آوٹ بھی چیک کیا۔

(جاری ہے)

ترجمان پنجاب پولیس کے مطابق جنرل پریڈ میں حصہ لینے والے اہلکاروں کے چاق و چوبند دستوں نے مارچ پاسٹ کیا، جنرل پریڈ میں خواتین اہلکاروں نے بھی حصہ لیا،ہر سوموار صوبہ بھر میں باقاعدگی سے جنرل پریڈز کا انعقاد کیا جا رہا ہے،ضلعی افسران کی کوت، موٹر ٹرانسپورٹ ونگ، متفرق سٹورز، وردی گودام اور دیگر شعبوں کی انسپکشن کی جا رہی ہے۔ آئی جی پنجاب کاکہنا ہے کہ جنرل پریڈ کا مقصد اہلکاروں کو الرٹ رکھنا اور ان میں ڈسپلن، اتحاد و بھائی چارے کی فضا قائم رکھنا ہے، پریڈ کسی بھی فورس کے ڈسپلن کا بہترین مظاہرہ ہوتی ہے، جنرل پریڈ سے افسران و اہلکاروں کی فٹنس برقرار رہے گی۔