جناح ہسپتال میں بھائی کی عیادت پر آئے شہری پر حملہ کرنے والا ملزم گرفتار

ملزم نے ذاتی رنجش کی بنا پر جناح ہسپتال کے باہر فائرنگ کرکے شہری کو زخمی کیا تھا

پیر 23 جون 2025 15:07

لاہور (اُردو پوائنٹ اخبارتازہ ترین - این این آئی۔ 23 جون2025ء) جناح ہسپتال میں بھائی کی عیادت کے لئے آنے والے شہری پر قاتلانہ حملے کامعاملہ، فائرنگ کرکے زخمی کرنے والا مرکزی ملزم گرفتار کر لیا گیا۔

(جاری ہے)

ڈی آئی جی انویسٹی گیشن سید ذیشان رضا نے واقعہ کا نوٹس لیا تھا، ایس پی انویسٹی گیشن ماڈل ٹان ڈاکٹر ایاز حسین کی سربراہی میں ٹیم تشکیل دی گئی، انچارج انویسٹی گیشن تھانہ گارڈن ٹائون وسیم اکرم نے کارروائی کرکے ملزم گرفتار کر لیا۔

ملزم نے ذاتی رنجش کی بنا پر جناح ہسپتال کے باہر فائرنگ کرکے شہری کو زخمی کیا تھا، شہری بھائی کی میڈیسن لینے ہسپتال سے باہر گیا تو ملزمان نے فائرنگ کرکے زخمی کر دیا تھا۔سید ذیشان رضا کا کہنا تھا کہ ملزم کو جدید ٹیکنالوجی اور ہیومن انٹیلی جنس کی مدد سے گرفتار کیا گیا۔