اماراتی فضائی حدود مکمل بحال، فلائٹ شیڈول متاثر

ایوی ایشن ٹیمیں شیڈول برقرار رکھنے کے لیے کوشاں ہیں،حکام

منگل 24 جون 2025 21:58

اماراتی فضائی حدود مکمل بحال، فلائٹ شیڈول متاثر

ابوظہبی (اُردو پوائنٹ اخبارتازہ ترین - این این آئی۔ 24 جون2025ء)متحدہ عرب امارات کے حکام نے کہا ہے کہ اماراتی فضائی حدود مکمل طور پر بحال ہے جبکہ علاقائی صورتحال کی وجہ سے فلائٹ شیڈول متاثر ہو رہا ہے۔

(جاری ہے)

اماراتی حکام کے مطابق امارات کے مختلف ایئرپورٹس پر فلائٹس شیڈول متاثر ہوا ہے، فضائی حدود میں پروازوں کے رش کی وجہ سے فلائٹس شیڈول میں ردوبدل کیا گیا ہے، اماراتی ایوی ایشن ٹیمیں شیڈول برقرار رکھنے کے لیے کوشاں ہیں۔

یو اے ای کے حکام کا کہنا تھا کہ مختلف اماراتی ایئرپورٹس پر مسافروں کی سہولت کے لیے سرگرم ہیں۔دوسری جانب ایئرپورٹ انتظامیہ کی جانب سے مسافروں کو ہدایت کی گئی ہے کہ ایئرپورٹ جانے سے پہلے فلائٹ شیڈول چیک کریں جبکہ اماراتی ایئرلائنز نے کہا ہے کہ منسوخ پروازوں سے متاثرہ مسافر دوبارہ بکنگ کروا سکتے ہیں۔