محرم الحرام سکیورٹی/ مانیٹرنگ اینڈ ویجیلینس ٹیمیں تشکیل

اسلام آباد کو سکیورٹی کے حوالے سے پانچ ڈویژنز میں تقسیم کیا گیا،ٹیموں کی تشکیل کا باقاعدہ نوٹیفکیشن بھی جاری

منگل 24 جون 2025 22:49

اسلام آباد (اُردو پوائنٹ اخبارتازہ ترین - این این آئی۔ 24 جون2025ء) آئی جی اسلام آباد سید علی ناصر رضوی نے محرم الحرام سکیورٹی کے لئے خصوصی مانیٹرنگ اور ویجیلینس ٹیمیں تشکیل دے دیں،اسلام آباد کو سکیورٹی کے حوالے سے پانچ ڈویژنز میں تقسیم کیا گیا ہے،ٹیموں کی تشکیل کا باقاعدہ نوٹیفکیشن بھی جاری کردیا گیا۔

(جاری ہے)

تفصیلات کے مطابق انسپکٹر جنرل آف پولیس اسلام آباد سید علی ناصر رضوی نے وفاقی دارالحکومت اسلام آباد میں محرم الحرام کے دوران جلوسوں اور مجالس کی سکیورٹی کو یقینی بنانے کے لئے خصوصی مانیٹرنگ اور ویجیلینس ٹیمیں تشکیل دے دیں،اس سلسلہ میں ٹیموں کی تشکیل کا باقاعدہ نوٹیفکیشن بھی جاری کردیا گیاہے ،وفاقی دارلحکومت اسلام آباد کو سکیورٹی کے حوالے سے پانچ ڈویژنز میں تقسیم کیا گیا ہے ،ڈی جی سیف سٹی شاکر حسین داوڑ اور اے آئی جی لاجسٹک عبدالحق عمرانی رورل ڈویژن میں سکیورٹی ڈیوٹیز کی مانیٹرنگ کریں گے،ڈی آئی جی لاء اینڈ آرڈر محمد عتیق طاہر اور اے آئی جی آپریشنز ارسلان شاہزیب آئی نائن ایریا میں سکیورٹی ڈیوٹیز کی مانیٹرنگ کریں گے،ڈی آئی جی سکیورٹی علی رضا اور ایس ایس پی سی ٹی ڈی حمزہ ہمایوں سٹی ڈویژن میں سکیورٹی ڈیوٹیز کی مانیٹرنگ کریں گے،ایس ایس پی سیف سٹی محمد اقبال اور ڈی ایس پی اے آر ایف غلام مصطفی صدر ڈویژن میں سکیورٹی ڈیوٹیز کی مانیٹرنگ کریں گے جبکہ اے آئی جی اسٹیبلیشمنٹ/انوسٹی گیشنز سید عنایت علی شاہ اور ایس ایس پی شمس الحق درانی سواں ڈویژن میں سکیورٹی ڈیوٹیز کی مانیٹرنگ کریں گے،آئی جی اسلام آباد سید علی ناصر رضوی نے کہا کہ اسلام آباد پولیس وفاقی دارلحکومت میں محرم الحرام کے دوران تمام مجالس اور جلوسوں کی بھرپور سکیورٹی کو یقینی بنانے کے لئے فول پروف سکیورٹی انتظامات کو یقینی بنائے گئی،اسلام آباد پولیس کے افسران ہمہ وقت شہریوں کی حفاظت کو یقینی بنانے کے ساتھ ان کو سہولیات کی فراہمی ،محفوظ پارکنگ کے وسیع انتظامات اور ٹریفک کی روانی کو بھی یقینی بنائیں گے،انہوں نے شہریوں سے بھی اپیل کی کہ وہ محرم الحرام کے دوران ان کی حفاظت پر مامور پولیس افسران و جوانوں کے ساتھ تعاون کریں اور کسی بھی قسم کی شکایات ،مشکوک سرگرمیوں اور اشخاص کے خلاف پولیس کو بروقت "پکار15--"پر اطلاع دیں ،اسلام آباد پولیس کا اولین مقصد اپنے شہریوں کی بھرپور حفاظت کو یقینی بنانا ہے۔