بنگلورو ، ہندو توا غنڈوں کا مسلم نوجوانوں پر تشدد، جئے شری رام نعرہ لگانے پر مجبور کیا

بدھ 25 جون 2025 22:30

بنگلورو (اُردو پوائنٹ اخبارتازہ ترین - اے پی پی۔ 25 جون2025ء) بھارتی ریاست کرناٹک میں ہندوتوا غنڈوں نے دو مسلمان نوجوانوں پر وحشیانہ تشدد کیا اور انہیں ’جے شری رام‘ کا نعرہ لگانے پر مجبور کیا۔

(جاری ہے)

کشمیرمیڈیاسروس کے مطابق غنڈوں نے آٹو رکشہ ڈرائیور وسیم احمد اور آٹو مکینک ضمیر احمدپر اس وقت تشدد کیا جب وہ سمپی گیہلی علاقے سے چوکناہلی جا رہے تھے۔ عینی شاہدین نے بتایا کہ غنڈوں نے شراب پی رکھی تھی اور انہوں نے وسیم اور ضمیر کو روک کر محض مسلمان ہونے کی بنا پر انہیں مار اپیٹا اور ان سے جئے شری رام کا نعرہ لگوایا۔ تشدد کی وجہ سے وسیم شدید زخمی ہوا جسے بعد میں ہسپتال میں داخل کیا گیا ، اسکی پسلیوں اور چہرے پر چوٹیں آئی ہیں۔